പത്തനംതിട്ട : റാന്നി നിയോജക മണ്ഡലത്തില് ആധുനിക നിലവാരത്തില് പുനര്നിര്മിച്ച അഞ്ച് റോഡുകളുടെ ഉദ്ഘാടനം നാളെ (20) രാവിലെ 11ന് പൊതുമരാമത്ത് ടൂറിസം വകുപ്പ് മന്ത്രി പി.എ. മുഹമ്മദ് റിയാസ് നിര്വഹിക്കും. കുമ്പളാംപൊയ്ക-ഉതിമൂട്-പേരൂര്ച്ചാല് ശബരിമല വില്ലേജ് റോഡ്, റാന്നി ഔട്ടര് റിംഗ് റോഡ്, ഇട്ടിയപ്പാറ-കിടങ്ങമൂഴി റോഡ്, റാന്നി- കുമ്പളന്താനം റോഡ്, മുക്കട-ഇടമണ് റോഡ് എന്നിവയുടെ ഉദ്ഘാടനമാണ് നിര്വഹിക്കുക. റാന്നി ഐത്തല പാലം ജംഗ്ഷനില് നടക്കുന്ന സമ്മേളനത്തില് അഡ്വ. പ്രമോദ് നാരായണ് എംഎല്എ അധ്യക്ഷത വഹിക്കും. ആന്റോ ആന്റണി എംപി മുഖ്യാതിഥിയാകും. ജില്ലാ കളക്ടര് ഡോ. ദിവ്യ എസ് അയ്യര് മുഖ്യപ്രഭാഷണം നടത്തും.
