റാന്നി : പഴവങ്ങാടി ഗ്രാമപഞ്ചായത്തിലെ ഐ.എൽ.ജി.എം.എസ് സോഫ്റ്വെയറിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് അനിത അനികുമാർ നിര്വ്വഹിച്ചു. സണ്ണി ദന്തൽ ക്ലിനിക്ക് ഉടമ ഡോ .അനിറ്റ് സിബിക്ക് രസീത് നല്കിയാണ് ഉദ്ഘാടനം നിർവഹിച്ചത്. ഐ.എൽ.ജി.എം.എസ് സോഫ്റ്റ്വെയർ നടപ്പിലാക്കുന്നതിലൂടെ പൊതുജനങ്ങൾക്ക് ഓണ്ലൈനിലൂടെ സേവനങ്ങൾ ലഭ്യമാകുകയും പഞ്ചായത്ത് ഓഫീസ് പേപ്പർ ലെസ്സ് ഓഫീസ് ആയി മാറുകയും ചെയ്യുമെന്ന് പ്രസിഡന്റ് പറഞ്ഞു.
ഗ്രാമ പഞ്ചായത്ത് വൈസ് പ്രസിഡന്റ് ജോൺ എബ്രഹാം അദ്ധ്യക്ഷത വഹിച്ചു. വികസനകാര്യ സ്റ്റാന്റിംഗ് കമ്മറ്റി ചെയര് പെഴ്സൺ ഷേര്ലി ജോര്ജ്, ഗ്രാമ പഞ്ചായത്ത് അംഗങ്ങളായ റൂബി കോശി, ഷൈനി രാജീവ്, ബ്രില്ലി ബോബി എബ്രഹാം, ബിനിറ്റ് മാത്യു, ബിജി വര്ഗീസ്, സെക്രട്ടറി ബി. കനകമണി, അക്കൗണ്ടന്റ് എം സലാത്ത് എന്നിവർ പ്രസംഗിച്ചു.
