റാന്നി : ഇടമുറി ഗവ.ഹയർ സെക്കൻഡറി സ്കൂളിൽ 80-ാം സ്വാതന്ത്ര്യ ദിനാഘോഷം വിവിധ പരിപാടികളോടെ വർണ്ണാഭമായി ആചരിച്ചു. രാജ്യത്തിന്റെ സ്വാതന്ത്ര്യസമര ചരിത്രവും ദേശസ്നേഹവും ഓർമ്മിപ്പിക്കുന്ന സന്ദേശങ്ങളും വിദ്യാർത്ഥികളുടെയും അധ്യാപകരുടെയും നേതൃത്വത്തിൽ വർണ്ണാഭമായ സ്വാതന്ത്ര്യദിന റാലിയും നടന്നു. തുടർന്ന് വിദ്യാർത്ഥികൾ അവതരിപ്പിച്ച വിവിധ കലാപരിപാടികളും നടന്നു. ആഘോഷ പരിപാടികളുടെ ഉദ്ഘാടനം ജില്ലാ പഞ്ചായത്തംഗം അരോൺ ബിജിലി പനവേലി നിർവ്വഹിച്ചു.
പി.റ്റി.എ പ്രസിഡന്റ് എം.വി. പ്രസന്നകുമാർ അധ്യക്ഷത വഹിച്ചു. നാറാണംമൂഴി ഗ്രാമപഞ്ചായത്ത് പ്രസിഡന്റ് എച്ച്. സുനില്കുമാര്, അംഗങ്ങളായ തോമസ്, പി.വി എബ്രഹാം, എസ്.എം.സി ചെയര്മാന് രതീഷ് കുമാര്, പ്രിന്സിപ്പല് എസ്.എല് ബിവിന്, പ്രഥമധ്യാപകന് എം.കെ മോഹന്ദാസ്, അധ്യാപകരായ കെ.കെ ശശീന്ദ്രന്, രാജേഷ് കുമാര്, ജിന്നി ജേക്കബ്, ബിന്ദു, എസ്.ചിഞ്ചു, സജിതാ സജി, ആരതി, കുട്ടികളായ പി.അഭിജിത്, അക്സാന, ദേവസ്മൃതി എന്നിവര് പ്രസംഗിച്ചു.
