പത്തനംതിട്ട: ഇന്ത്യന് നാഷണല് കോണ്ഗ്രസ് ഇന്ത്യയുടെ ആത്മാവും കരുത്തുമാണെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പ്രസ്താവിച്ചു. ഇന്ത്യന് നാഷണല് കോണ്ഗ്രസിന്റെ 139-ാമത് ജന്മദിന സമ്മേളനം ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് ഡി.സി.സിയില് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. രാജ്യത്ത് ജനാധിപത്യവും മതേതരത്വവും സോഷ്യലിസവും നിലനിര്ത്തുവാന് കോണ്ഗ്രസിന് മാത്രമേ കഴിയുള്ളൂ എന്ന് അദ്ദേഹം പറഞ്ഞു. രാജ്യത്ത് വര്ഗീയത സൃഷ്ടിക്കുവാനാണ് ബി.ജെ.പിയും സംഘപരിവാര് സംഘടനകളും ശ്രമിക്കുന്നത്. ഇത് അപകടകരമായ പ്രവണതയാണെന്ന് പ്രൊഫ. സതീഷ് കൊച്ചുപറമ്പില് പറഞ്ഞു.
ഡി.സി.സി വൈസ് പ്രസിഡന്റ് അഡ്വ. എ. സുരേഷ് കുമാറിന്റെ അദ്ധ്യക്ഷതയില് ചേര്ന്ന സമ്മേളനത്തില് മുന് മന്ത്രി പന്തളം സുധാകരന്, മാലേത്ത് സരളാദേവി എക്സ്. എം.എല്.എ, യു.ഡി.എഫ് ജില്ലാ കണ്വീനര് എ. ഷംസുദ്ദീന്, ഡോ. റോയിസ് മല്ലശ്ശേരി, വെട്ടൂര് ജ്യോതിപ്രസാദ്, സാമുവല് കിഴക്ക്പുറം, ജി. രഘുനാഥ്, റോജിപോള് ദാനിയേല്, രജനി പ്രദീപ്, സജി കൊട്ടയ്ക്കാട്, ലാലു ജോണ്, ലിജു ജോര്ജ്, ജെറി മാത്യു സാം, നഹാസ് പത്തനംതിട്ട, എസ്. അഫ്സല്, ജയിംസ് കീക്കരിക്കാട്ട്, സണ്ണി കണ്ണന്മണ്ണില്, റനീസ് മുഹമ്മദ്, നാസര് തോണ്ടമണ്ണില് തുടങ്ങിയവര് പ്രസംഗിച്ചു.
