ഭോപ്പാല്: മധ്യപ്രദേശിലെ കേന്ദ്ര സര്വകലാശാലയായ ഇന്ദിരാഗാന്ധി നാഷണല് ട്രൈബല് യൂണിവേഴ്സിറ്റിയില് മലയാളി വിദ്യാര്ത്ഥികള്ക്ക് ക്രൂരമര്ദ്ദനം. മലപ്പുറം അരീക്കോട് കൂനിയില് സ്വദേശി കെ.ടി. നഷീല്, താനൂര് സ്വദേശി ആദില് റസിഫ്, വേങ്ങര സ്വദേശി ടി. അദ്നാന്, പാലക്കാട് പട്ടാമ്പി സ്വദേശി ആര്. അഭിഷേക് എന്നിവരെയാണ് സുരക്ഷാ ജീവനക്കാര് ആക്രമിച്ച് പരുക്കേല്പ്പിച്ചത്. വടി കൊണ്ടുള്ള അടിയില് തലയ്ക്കും ചെവിക്കും പരിക്കേറ്റ ഇവരെ ഷാഡോള് ബിര്സാമുണ്ട ഗവൺമെൻറ് മെഡിക്കല് കോളജ് ആശുപത്രിയില് പ്രവേശിപ്പിച്ചു.
വിദ്യാര്ഥികള് സാധാരണ സമയം ചെലവിടാറുള്ള സ്ഥലത്ത് ഇരുന്നപ്പോള് സുരക്ഷാ ജീവനക്കാര് ഫോട്ടോ മൊബൈലില് പകര്ത്തി. ഹോസ്റ്റലില് പോകുകയായിരുന്ന ഇവരെ മലയാളികളാണല്ലേ എന്നു പറഞ്ഞ് ആക്രമിക്കുകയായിരുന്നു. നൂറ്റിയെണ്പതോളം വിദ്യാര്ഥികളാണ് സര്വകലാശാലയിലുള്ളത്. മലയാളികള് കൂടുതല് എത്തുന്നതില് നീരസമുള്ള അധികൃതരില് നിന്ന് പതിവായി വിവേചനം നേരിടുന്നതായി വിദ്യാര്ഥികള് പറഞ്ഞു. വിദ്യാര്ഥികളുടെ പരാതിയില് പോലീസ് കേസെടുത്തിട്ടുണ്ട്.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
