അപേക്ഷ ക്ഷണിച്ചു
മേരാ യുവ ഭാരതിന്റെ നേതൃത്വത്തില് മൂന്ന് ദിവസത്തെ റസിഡന്ഷ്യല് വ്യക്തിത്വ വികസന ക്യാമ്പ് സംഘടിപ്പിക്കുന്നു. 15 നും 29 നും ഇടയില് പ്രായമുള്ളവര്ക്ക് പങ്കെടുക്കാം. നേതൃത്വ പരിശീലനം, പ്രസംഗ പരിശീലനം, കരിയര് ഗൈഡന്സ്, വ്യക്തിത്വ വികസനം, സ്റ്റാര്ട്ടപ്പ് ക്ലാസുകളാണ് ചരല്ക്കുന്ന് ക്യാമ്പ് സെന്ററില് സംഘടിപ്പിക്കുന്നത്. താമസം, ഭക്ഷണം, സര്ട്ടിഫിക്കറ്റ്, കിറ്റ് എന്നിവ ലഭിക്കും. ഫോണ് : 7558892580.
ദേശീയ ക്ഷീരദിനാഘോഷം 24, 25 തീയതികളില്
ദേശീയ ക്ഷീരദിനത്തോടനുബന്ധിച്ച് നവംബര് 24,25 തീയതികളില് രാവിലെ 10 മുതല് വൈകിട്ട് അഞ്ച് വരെപൊതുജനങ്ങള്ക്ക് മില്മയുടെ പത്തനംതിട്ട ഡയറി സന്ദര്ശിക്കാനും മില്മ ഉല്പന്നങ്ങള് വിലകിഴിവില് വാങ്ങാനും സൗകര്യം. ക്ഷീരമേഖലയുമായി ബന്ധപ്പെട്ട ക്ലാസുകള്, മില്മ ഉല്പന്നങ്ങളുടെ പ്രദര്ശന/വില്പനസ്റ്റാളുകള് എന്നിവയുമുണ്ട്.
—
ശബരിമല : ഡ്രൈവര് കം ഓഫീസ് അറ്റന്ഡന്റ് നിയമനം
ശബരിമല മണ്ഡല മകരവിളക്ക് മഹോത്സവത്തോടനുബന്ധിച്ച് ദിവസ വേതനാടിസ്ഥാനത്തില് താല്കാലിക ഡ്രൈവര് കം ഓഫീസ് അറ്റന്ഡന്റ് തസ്തികയിലേക്ക് ലൈറ്റ് മോട്ടര് വെഹിക്കിള്സ് ഓടിക്കുന്നതിന് ഡ്രൈവിംഗ് ലൈസന്സുളളവരില് നിന്ന് അപേക്ഷ ക്ഷണിച്ചു. നവംബര് 24 വൈകിട്ട് അഞ്ചിന് മുമ്പ് പത്തനംതിട്ട ആര്റ്റി ഓഫീസില് അപേക്ഷ സമര്പ്പിക്കണം. ഫോണ്: 0468 2222426.
