ഭിന്നശേഷി അവാര്ഡ് 2023 നോമിനേഷന് ക്ഷണിച്ചു
ഭിന്നശേഷി മേഖലയില് മികച്ച പ്രവര്ത്തനങ്ങള് കാഴ്ചവെച്ച വ്യക്തികള്ക്കും സ്ഥാപനങ്ങള്ക്കും സാമൂഹ്യനീതി വകുപ്പ് നല്കി വരുന്ന സംസ്ഥാന ഭിന്നശേഷി അവാര്ഡ് 2023 നുളള നോമിനേഷന് ക്ഷണിച്ചു. ഭിന്നശേഷി മേഖലയില് മികച്ച പ്രകടനം കാഴ്ചവെച്ച ജീവനക്കാരന്, തൊഴില് ദായകര്, എന്ജിഒ, മാതൃക വ്യക്തി, സര്ഗാത്മക കഴിവുളള കുട്ടി, കായികതാരം, ദേശീയ അന്തര് ദേശീയ പുരസ്കാരങ്ങള്ക്ക് അര്ഹരായവര്, തദ്ദേശ സ്വയംഭരണ സ്ഥാപനങ്ങള്, ജില്ലാ ഭരണകൂടം, എന്ജിഒകള് നടത്തി വരുന്ന പുനരധിവാസ കേന്ദ്രങ്ങള്, സാമൂഹ്യനീതി വകുപ്പിലെ മികച്ച ഭിന്നശേഷി സ്ഥാപനം, ഭിന്നശേഷി സൗഹൃദ സ്ഥാപനം, ഭിന്നശേഷി സൗഹൃദ വെബ്സൈറ്റ്, ഭിന്നശേഷി സൗഹൃദ റിക്രിയേഷേന് സെന്ററുകള്, ഭിന്നശേഷിക്കാരുടെ ജീവിത നിലവാരം മെച്ചപ്പെടുത്താന് സഹായിക്കുന്ന പുതിയ പദ്ധതികള്, ഗവേഷണങ്ങള് സംരംഭങ്ങള് തുടങ്ങിയ വിഭാഗങ്ങളിലേക്ക് നോമിനേഷന് സമര്പ്പിക്കാം. അവസാന തീയതി സെപ്റ്റംബര് 15. വെബ്സൈറ്റ് : [email protected], ഫോണ് : 0468 2325168.
ഐ-പി.ആര്.ഡി. ഫോട്ടോഗ്രാഫര്
പാനലിലേക്ക് അപേക്ഷിക്കാം
സംസ്ഥാന സര്ക്കാരിന്റെ ഇന്ഫര്മേഷന് – പബ്ലിക് റിലേഷന്സ് വകുപ്പിനായി ഫോട്ടോ കവറേജ് നടത്തുന്നതിനായി പത്തനംതിട്ട ജില്ലാ ഇന്ഫര്മേഷന് ഓഫീസില് കരാര് അടിസ്ഥാനത്തില് പ്രവര്ത്തിക്കുന്നതിന് ഫോട്ടോഗ്രാഫര്മാരുടെ പാനല് തയാറാക്കുന്നു. അപേക്ഷകര്ക്ക് ഡിജിറ്റല് എസ്.എല്.ആര്./മിറര്ലെസ് കാമറകള് ഉപയോഗിച്ച് ഹൈ റസലൂഷന് ചിത്രങ്ങള് എടുക്കാന് കഴിവുവേണം. വൈഫൈ കാമറകള് കൈവശമുള്ളവര്ക്കും ഇന്ഫര്മേഷന്-പബ്ലിക് റിലേഷന്സ് വകുപ്പില് കരാര് ഫോട്ടോഗ്രാഫറായും പത്രസ്ഥാപനങ്ങളില് ഫോട്ടോഗ്രാഫറായും സേവനം അനുഷ്ഠിച്ചവര്ക്കും മുന്ഗണന. പത്തനംതിട്ട ജില്ലയില് സ്ഥിരതാമസക്കാരായിരിക്കണം. ക്രിമിനല് കേസുകളില് പെടുകയോ ശിക്ഷിക്കപ്പെടുകയോ ചെയ്തവരാകരുത്. ഇതുസംബന്ധിച്ച രേഖ അപേക്ഷകന് താമസിക്കുന്ന സ്ഥലത്തെ പോലീസ് സ്റ്റേഷന് ഹൗസ് ഓഫീസറില് നിന്നു ലഭ്യമാക്കി അഭിമുഖ സമയത്ത് നല്കണം. കരാര് ഒപ്പിടുന്ന തീയതി മുതല് 2024 മാര്ച്ച് 31 വരെയായിരിക്കും പാനലിന്റെ കാലാവധി. ബന്ധപ്പെട്ട രേഖകളുടെ പകര്പ്പ് സഹിതമുള്ള അപേക്ഷ ഓഗസ്റ്റ് എട്ടിനു വൈകിട്ട് അഞ്ചിനകം ജില്ലാ ഇന്ഫര്മേഷന് ഓഫീസര്, ജില്ലാ ഇന്ഫര്മേഷന് ഓഫീസ്, കളക്ടറേറ്റ്, പത്തനംതിട്ട എന്ന വിലാസത്തില് സ്വീകരിക്കും. തപാലിലോ നേരിട്ടോ അപേക്ഷയും അനുബന്ധരേഖകളും നല്കാം. ഇ-മെയിലില് അയയ്ക്കുന്നവ സ്വീകരിക്കില്ല.
പേര്, വീട്ടുവിലാസം, ഏറ്റവും പുതിയ ഫോട്ടോ, ഫോണ് നമ്പര്, ഇ-മെയില് വിലാസം, കൈവശമുള്ള ഫോട്ടോഗ്രാഫി ഉപകരണങ്ങളുടെ വിവരം, പ്രവൃത്തിപരിചയം എന്നിവ വെള്ളക്കടലാസില് രേഖപ്പെടുത്തിയാണ് അപേക്ഷ തയാറാക്കേണ്ടത്. ഫോട്ടോ പതിച്ച തിരിച്ചറിയല് രേഖയുടെ (എസ്.എസ്.എല്.സി. സര്ട്ടിഫിക്കറ്റ്/ആധാര്/തിരഞ്ഞെടുപ്പ് ഐഡന്റിറ്റി കാര്ഡ്/പാന് കാര്ഡ്/ഡ്രൈവിംഗ് ലൈസന്സ്/ പാസ്പോര്ട്ട്) പകര്പ്പ്, മുന്പ് എടുത്ത അഥവാ പ്രസിദ്ധീകരിച്ച മൂന്ന് ഫോട്ടോകളുടെ പ്രിന്റ് അല്ലെങ്കില് അവ പ്രസിദ്ധീകരിച്ച പത്രഭാഗത്തിന്റെ ഫോട്ടോ കോപ്പി എന്നിവയും ഉള്ളടക്കം ചെയ്യണം. എല്ലാ രേഖകളും പേരും ഒപ്പും തീയതിയും ചേര്ത്ത് സ്വയംസാക്ഷ്യപ്പെടുത്തണം. അസല് രേഖകളുടെയും ഉപകരണങ്ങളുടെയും പരിശോധന, പ്രായോഗികപരീക്ഷ, അഭിമുഖം എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്. വിശദവിവരം പത്തനംതിട്ട ജില്ലാ ഇന്ഫര്മേഷന് ഓഫീസില് ലഭിക്കും. ഫോണ്: 0468-2222657.
എഴുമറ്റൂര് കമ്മ്യൂണിറ്റി ഹെല്ത്ത് സെന്റര് കെട്ടിടത്തിന്റെ
നിര്മാണോദ്ഘാടനം ഓഗസ്റ്റ് 26ന്
റാന്നിയുടെ പടിഞ്ഞാറന് മേഖലയ്ക്ക് ആശ്വാസമായി എഴുമറ്റൂര് കമ്മ്യൂണിറ്റി ഹെല്ത്ത് സെന്റര് കെട്ടിടത്തിന്റെ നിര്മാണത്തിന് തുടക്കമാവുകയാണ്. പുതിയ ആശുപത്രി കെട്ടിടത്തിന്റെ നിര്മാണോദ്ഘാടനം ഓഗസ്റ്റ് 26ന് രാവിലെ 11ന് ആരോഗ്യവകുപ്പ് മന്ത്രി വീണാ ജോര്ജ് നിര്വഹിക്കുമെന്ന് അഡ്വ. പ്രമോദ് നാരായണ് എംഎല്എ അറിയിച്ചു. എഴുമറ്റൂര്, കൊറ്റനാട്, കോട്ടാങ്ങല് പ്രദേശങ്ങളിലെ ജനങ്ങള്ക്ക് അടിയന്തര ചികിത്സ ഉറപ്പാക്കാന് ഇതുവഴി കഴിയും. നബാര്ഡ് ഫണ്ടില് നിന്നും 6.80 കോടി രൂപയും സംസ്ഥാന ആരോഗ്യവകുപ്പിന്റെ ഫണ്ടില് നിന്നും 1.20 കോടി രൂപയും ഉള്പ്പെടെ എട്ടു കോടിരൂപ ചിലവഴിച്ചാണ് 17000 ചതുരശ്ര അടി വിസ്തീര്ണമുള്ള ആധുനിക സൗകര്യങ്ങളോടു കൂടിയ പുതിയ മൂന്നുനില കെട്ടിടം നിര്മിക്കുന്നത്. 1944 ല് ഇംഗ്ലീഷ് ഡിസ്പെന്സറിയായി ആണ് 55 സെന്റ് സ്ഥലത്ത് എഴുമറ്റൂര് ആശുപത്രി പ്രവര്ത്തനം ആരംഭിച്ചത്. പിന്നീട് ഇത് കമ്മ്യൂണിറ്റി ഹെല്ത്ത് സെന്ററായി ഉയര്ത്തിയിരുന്നു. എന്നാല് കാലപ്പഴക്കം ചെന്ന പഴയ കെട്ടിടം അപകടാവസ്ഥയിലായതിനെ തുടര്ന്ന് ജില്ലാ പഞ്ചായത്തിന്റെ ഉടമസ്ഥതയിലുള്ള വൃദ്ധസദനത്തിലേക്ക് ആശുപത്രി താത്ക്കാലികമായി മാറ്റിയിരുന്നു. രണ്ടു വര്ഷം മുമ്പ് ആശുപത്രിയുടെ ദുരാവസ്ഥ നേരില് കണ്ട് മനസിലാക്കിയ എംഎല്എ പുതിയ കെട്ടിടം നിര്മിക്കുവാന് ഫണ്ട് അനുവദിക്കുന്ന നടപടികള് ധ്രുതഗതിയിലാക്കി. എന്നാല് പഴയ കെട്ടിടം പൊളിച്ചു മാറ്റുന്നതിന് നേരിട്ട സാങ്കേതിക തടസങ്ങളാണ് നിര്മാണം വൈകിക്കാന് ഇടയാക്കിയത്. കുട്ടികള്ക്ക് ചികിത്സയ്ക്ക് പ്രത്യേക വിഭാഗവും രോഗികള്ക്ക് ഒപ്പം എത്തുന്നവര്ക്ക് വിശ്രമിക്കാനുള്ള വിശ്രമകേന്ദ്രവും മുകള് നിലകളിലേക്ക് പോകാന് ലിഫ്റ്റ് ഉള്പ്പെടെയുള്ള ആധുനിക സൗകര്യങ്ങളും പുതിയ കെട്ടിടത്തില് വിഭാവനം ചെയ്തിട്ടുണ്ട്. പൊതുമരാമത്ത് വകുപ്പ് കെട്ടിട വിഭാഗത്തിനാണ് നിര്മാണ ചുമതല. പുതിയ കെട്ടിടത്തിന്റെ നിര്മാണം പൂര്ത്തിയാകുന്നതോടെ റാന്നിയുടെ പടിഞ്ഞാറന് മേഖലയിലെ ഗ്രാമവാസികള്ക്ക് മികച്ച ചികിത്സ ഉറപ്പാക്കാനാകും.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
