ഇടമണ്-കൊച്ചി 400 കെ.വി വൈദ്യുത ലൈന് : നഷ്ടപരിഹാരം ലഭിച്ചിട്ടില്ലാത്തവര് രേഖകള് സമര്പ്പിക്കണം
ഇടമണ്-കൊച്ചി 400 കെ.വി വൈദ്യുത ലൈന് നിര്മാണത്തിന്റെ ഭാഗമായി സ്പെഷ്യല് തഹസില്ദാര് എല്.എ (പവര്ഗ്രിഡ്) പത്തനംതിട്ട ഓഫീസ് പരിധിയില് വരുന്ന നഷ്ടപരിഹാരം ലഭിച്ചിട്ടില്ലാത്ത കക്ഷികള് തങ്ങളുടെ ഉടമസ്ഥതയിലുള്ള ഭൂമിയില് അവകാശം തെളിയിക്കുന്നതിനുള്ള ആധാരം, തന്വര്ഷം കരം ഒടുക്കിയ രസീത്, കൈവശാവകാശ സര്ട്ടിഫിക്കറ്റ്, ഭൂവുടമയുടെ തിരിച്ചറിയല് രേഖകള്, പാന്കാര്ഡ് ,ബാങ്ക് അക്കൗണ്ട് രേഖകള് എന്നിവ സഹിതം മെയ് 23 നു വൈകുന്നേരം മൂന്നിന് മുമ്പായി സ്പെഷ്യല് തഹസില്ദാര് എല്.എ (പവര്ഗ്രിഡ്) പത്തനംതിട്ട ഓഫീസില് ഹാജരാകണം. അല്ലാത്തപക്ഷം കക്ഷികള്ക്ക് ഭൂമിയിന്മേല് അവകാശം തെളിയിക്കുന്ന രേഖകള് ഇല്ല എന്ന നിഗമനത്തില് ബന്ധപ്പെട്ട ഫയലുകള് തീര്പ്പാക്കുന്നതാണെന്നും ഈ വിഷയത്തില് ഇനിയൊരു അറിയിപ്പ് ഉണ്ടായിരിക്കുന്നതല്ലെന്നും തഹസില്ദാര് എല്.എ (പവര്ഗ്രിഡ്) പത്തനംതിട്ട അറിയിച്ചു.
പത്ത്, ഹയര് സെക്കന്ഡറി തുല്യത: അപേക്ഷ ഏപ്രില് 30 വരെ
സംസ്ഥാന സാക്ഷരതാമിഷന് അതോറിറ്റി നടത്തുന്ന പത്താം തരം, ഹയര്സെക്കന്ഡറി തുല്യത പുതിയ ബാച്ച് രജിസ്ട്രേഷന് തീയതി ദീര്ഘിപ്പിച്ചു. പത്താംതരം തുല്യത 18-ാം ബാച്ചിന്റെ (2024-2025) രജിസ്ട്രേഷന് 50 രൂപ ഫൈനോടെ ഏപ്രില് 30 വരെയും ഹയര്സെക്കന്ഡറി തുല്യത ഒന്പതാം ബാച്ചിന്റെ (2024-26) ഓണ്ലൈന് രജിസ്ട്രേഷന് 50 രൂപ ഫൈനോടെ ഏപ്രില് 29 വരെയും അപേക്ഷിക്കാം. പഠിതാക്കള്ക്ക് www.ecms.keltron.in എന്ന വെബ്സൈറ്റില് ഓണ്ലൈന് രജിസ്ട്രേഷന് ചെയ്യാമെന്ന് ജില്ലാ കോ-ഓര്ഡിനേറ്റര് അറിയിച്ചു. ഫോണ്: 0468 2220799.
