റാന്നി : ജോലി ലഭിച്ചതിനെ തുടര്ന്ന് കോണ്ഗ്രസ് അംഗം രാജി വെച്ച റാന്നി ഗ്രാമപഞ്ചായത്തിലെ 14 ആം വാര്ഡില് ഉപ തെരഞ്ഞെടുപ്പ് പ്രഖ്യാപിച്ചു. ഇതോടൊപ്പം സംസ്ഥാനത്ത് തെരഞ്ഞെടുപ്പ് നടക്കേണ്ട മറ്റ് വാര്ഡുകളിലും തെരഞ്ഞെടുപ്പ് കമ്മീഷന്റെ വിജ്ഞാപനവും വരണാധികാരി പുറപ്പെടുവിക്കുന്ന തിരഞ്ഞെടുപ്പ് നോട്ടീസ് പരസ്യപ്പെടുത്തലും 2026 സെപ്റ്റംബർ മൂന്ന് വ്യാഴാഴ്ച നടക്കും. ഇതുമായി ബന്ധപ്പെട്ട വിശദമായ സമയക്രമം തിരഞ്ഞെടുപ്പ് കമ്മീഷൻ പുറത്തുവിട്ടു. സെപ്റ്റംബർ 10 ആണ് നാമനിർദ്ദേശ പത്രിക സമർപ്പിക്കാനുള്ള അവസാന തീയതി.
സൂക്ഷ്മ പരിശോധന സെപ്റ്റംബർ 11 നും സ്ഥാനാർത്ഥിത്വം പിൻവലിക്കാനുള്ള അവസാന തീയതി സെപ്റ്റംബർ 14നുമാണ് തീരുമാനിച്ചിരിക്കുന്നത്. വോട്ടെടുപ്പ് സെപ്റ്റംബർ 28 ന് രാവിലെ 7 മുതൽ വൈകുന്നേരം 6 വരെയാണ് നടക്കുക. വോട്ടെണ്ണൽ സെപ്റ്റംബർ 29 ന് രാവിലെ 10 മണി മുതല് നടക്കും. ഒക്ടോബർ ഒന്നാണ് തെരഞ്ഞെടുപ്പ് നടപടികൾ പൂർത്തിയാക്കേണ്ട അവസാന തീയതി. ടൗണ് എംപ്ലോയ്മെന്റ് ഓഫീസറാണ് വരണാധികാരി.
