ബാംഗളൂര് : ലോകം കൊറോണ ഭീതിയില് കഴിയുമ്പോള് വൈറസ് പടര്ത്താന് അഹ്വാനം ചെയ്ത് ഇന്ഫോസിസ് ജീവനക്കാരന്. സോഷ്യല് മീഡിയയിലൂടെയായിരുന്നു അയാളുടെ അഹ്വാനം. തുടര്ന്ന് ഇന്ഫോസിസ് ജീവനക്കാരനായ മുജീബ് മുഹമ്മദ് (25) ബാംഗളൂരില് അറസ്റ്റിലായി. ഇയാളെ ഇന്ഫോസിസ് പുറത്താക്കുകയും ചെയ്തു.
‘കൈകോര്ക്കാം. പൊതുസ്ഥലത്തു ചെന്നു തുമ്മാം. വൈറസ് പടര്ത്താം’ – എന്നാണ് മുജീബ് ഫേയ്സ്ബുക്കില് കുറിച്ചത്. പോസ്റ്റിട്ടതിന് പിന്നാലെ മുജീബിനെതിരേ രൂക്ഷ വിമര്ശനവുമായി നിരവധിപേര് രംഗത്തെത്തി. തുടര്ന്നാണ് ഇയാളെ ജോലിയില് നിന്ന് പിരിച്ചുവിട്ടത്.