പത്തനംതിട്ട : ഹരിത കേരള മിഷന്റെ നേതൃത്വത്തിൽ സംസ്ഥാനത്ത് നടപ്പാക്കുന്ന ഇനി ഞാൻ ഒഴുകട്ടെ പദ്ധതിയുടെ തെളിനീരൊഴുകും നവകേരളം ക്യാമ്പയിന്റെ ഉദ്ഘാടനം പത്തനംതിട്ട നഗരസഭാ ചെയര്‍മാന്‍ അഡ്വ.ടി സക്കീര്‍ ഹുസൈന്‍ നിര്‍വഹിച്ചു. വലഞ്ചുഴി കടവില്‍ നടന്ന ചടങ്ങില്‍ ഇരുപത്തിനാലാം വാർഡ് കൗൺസിലർ അഡ്വ. എ.സുരേഷ് കുമാർ അധ്യക്ഷത വഹിച്ച.
നഗര പ്രദേശത്തുള്ള നദികളിൽ അടിഞ്ഞുകൂടിയ മണലും എക്കലും സമയബന്ധിതമായി ഈ ക്യാമ്പയിന്റെ ഭാഗമായി നീക്കം ചെയ്യും. കൈവഴികളിലേയും തോടുകളിലേയും ഒഴുക്ക് തടസപ്പെടുത്തുന്ന മാലിന്യങ്ങൾ നീക്കം ചെയ്ത് നദികളുടെയും തോടുകളുടെയും സ്വാഭാവിക ഒഴുക്ക് ഉറപ്പുവരുത്തുക എന്നതാണ് പദ്ധതിയുടെ ലക്ഷ്യമെന്ന് സക്കീര്‍ ഹുസൈന്‍ പറഞ്ഞു. ഇറിഗേഷൻ വകുപ്പിന്റെ സഹായത്തോടെ നടപ്പാക്കുന്ന പദ്ധതിയിൽ തൊഴിലുറപ്പ് തൊഴിലാളികളും പങ്കാളികളാകും. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.ആർ അജിത് കുമാർ, ഇറിഗേഷൻ എക്സിക്യൂട്ടീവ് എഞ്ചിനീയർ ടെസ്സിമോൻ എന്നിവര്‍ ചടങ്ങില്‍ പങ്കെടുത്തു.
