കൊച്ചി : മുസ്ലിം ലീഗ് നേതാക്കളും എം.എല്.എമാരുമായ എം.കെ. മുനീറിനും കെ.എം. ഷാജിക്കുമെതിരെ ഐ.എന്.എല് നേതാവ് എന്ഫോഴ്സ്മെന്റ് ഡയറക്ടറേറ്റിന് പരാതി നല്കി. കോഴിക്കോട് മാലൂര്കുന്നില് ഒരുകോടിയിലധികം രൂപക്ക് സ്ഥലം വാങ്ങിയതില് മുനീറിനും പങ്കുണ്ടെന്ന് എന്.കെ അബ്ദുല് അസീസ് പരാതിയില് പറയുന്നത്. വേങ്ങേരിയിലെ വിവാദമായ വീടിരിക്കുന്ന സ്ഥലം ഷാജിയും മുനീറും ചേര്ന്നാണ് വാങ്ങിയതെന്നും 1.02 കോടി രൂപക്ക് വാങ്ങിയ വസ്തുവിന് 37 ലക്ഷം രൂപ മാത്രമാണ് ആധാരത്തില് കാണിച്ചതെന്നുമാണ് പരാതിയില് പറയുന്നത്.
കച്ചവടത്തിലൂടെ ഇരുവരും കള്ളപ്പണം വെളുപ്പിച്ചതായും പരാതിയില് പരാമര്ശമുണ്ട്. രജിസ്ട്രേഷന് ഫീസിനത്തിലും സ്റ്റാമ്പ് ഡ്യൂട്ടി ഇനത്തിലും ഇരുവരും ചേര്ന്ന് ലക്ഷങ്ങള് വെട്ടിച്ചെന്നാണ് ആരോപണം.
