പത്തനംതിട്ട : ഏതെങ്കിലും കുടുംബമോ /വ്യക്തികളോ അനർഹമായി മുൻഗണനാ വിഭാഗം റേഷൻ കാർഡുകൾ കൈവശം വെച്ചിരിക്കുന്നതായി വ്യക്തമായ അറിവുള്ള ഏതൊരാൾക്കും ബന്ധപ്പെട്ട കുടുംബത്തിന്റെ /വ്യക്തിയുടെ വ്യക്തമായ വിലാസം /ഫോൺ നമ്പർ/റേഷൻ കാർഡ് നമ്പർ എന്നിവയിൽ ഏതെങ്കിലും വിവരങ്ങൾ 9495998223 എന്ന നമ്പരിൽ അറിയിക്കാം. ഫോൺകോൾ ആയോ വാട്സ് ആപ് മെസേജ് ആയോ വോയ്സ് മെസേജായോ അറിയിക്കാം. പരാതി അറിയിക്കുന്ന വ്യക്തിയുടെ വിവരങ്ങൾ പൂർണമായും രഹസ്യമായി സൂക്ഷിക്കുമെന്ന് ജില്ലാ സപ്ലൈ ഓഫീസർ അറിയിച്ചു.
