24.2 C
Pathanāmthitta
Tuesday, June 28, 2022 11:57 pm

ഇട്ടിയപ്പാറ ബസ് സ്റ്റാന്‍ഡില്‍ അലമാരയിൽ ഭക്ഷണമൊരുക്കി സുമനസ്സുകൾ

റാന്നി : ഭക്ഷണമില്ലാതെ നാട്ടിലാരും വിശന്നു വലയാതിരിക്കാൻ ഇട്ടിയപ്പാറ ബസ് സ്റ്റാന്‍ഡില്‍ അലമാരയിൽ ഭക്ഷണമൊരുക്കി സുമനസ്സുകൾ. ഫാ.ഡേവിസ് ചിറമേൽ ചാരിറ്റബിൾ ട്രസ്റ്റിന്റെ ആഭിമുഖ്യത്തിവൂള്ള ഹംഗർ ഹണ്ട് പദ്ധതിയുടെ ഭാഗമായി അങ്ങാടി ‘നാക്കോലയ്ക്കൽ സീനിയേഴ്സ് സിറ്റിസൺ കെയർ സെന്ററിന്റെ നേതൃത്വത്തിൽ ജനമൈത്രി പോലീസിന്റെയും വിവിധ സന്നദ്ധ സംഘടനകളുടെയും സഹകരണത്തോടെയാണ് ഭക്ഷണ അലമാര സ്ഥാപിച്ചത്. എല്ലാ ദിവസവും ഉച്ചഭക്ഷണം അലമാരയിൽ വെയ്ക്കും. ഇത് ആവശ്യക്കാർക്ക് എടുക്കാവുന്നതാണ്.
കിഡ്നി ഫൗണ്ടേഷൻ ചെയർമാൻ ഫാ.ഡേവിസ് ചിറമേൽ ഉദ്ഘാടനം ചെയ്തു.

പഴവങ്ങാടി ഗ്രാമ പഞ്ചായത്ത് പ്രസിഡന്റ് അനിത അനിൽകുമാർ അധ്യക്ഷത വഹിച്ചു. ജില്ലാ പഞ്ചായത്തംഗം ജെസി അലക്സ്, ഗുഡ് സമരിററൻ സൊസൈറ്റി ചെയർമാൻ ഫാ.ബെൻസി മാത്യു കിഴക്കേതിൽ, ചിറമേൽ ട്രസ്റ്റ് ചെയർമാൻ രാജൻ.പി.തോമസ്, വർഗീസ് മത്തായി നാക്കോലയ്ക്കൽ, പഴവങ്ങാടി ഗ്രാമ പഞ്ചായത്ത് വൈസ് പ്രസിഡന്റ് ജോൺ ഏബ്രഹാം, പോലീസ് സബ്ബ് ഇൻസ്പെക്ടർ ജേക്കബ് ജോർജ്,സി.വി.ജോസ്,ഡോ.ജെൻസി ബ്ളസൻ,അന്നമ്മ കുര്യാക്കോസ്, എസ്.എച്ച്.ഒ മാരായ കെ.എം സഖറിയ, സാബു ഫെർണാണ്ടസ് എന്നിവർ പ്രസംഗിച്ചു.

- Advertisment -
- Advertisment -
Advertisment
- Advertisment -

Most Popular