റാന്നി : പൊതുജനങ്ങളുടെ ആരോഗ്യം കാത്ത് സൂക്ഷിക്കാൻ മഞ്ഞും മഴയും വെയിലും വകവെക്കാതെ പണിയെടുക്കുന്നവരെ സമൂഹം അവഗണിക്കുകയാണ് പതിവെന്നെന്ന് ജില്ലാ ഉപഭോക്ത തര്ക്ക പരിഹാര കമ്മീഷന് അധ്യക്ഷന് ബേബിച്ചന് വെച്ചൂച്ചിറ പറഞ്ഞു. മുൻ ആരോഗ്യ വകുപ്പ് മന്ത്രിയും എ.ഐ.ടി.യു.സി നേതാവുമായിരിന്ന ജെ. ചിത്തരഞ്ജന്റെ സ്മരണാർത്ഥം ഏർപ്പെടുത്തിയ പുരസ്ക്കാരം വനിതാദിനത്തില് വെച്ചൂച്ചിറ സാമൂഹിക ആരോഗ്യ കേന്ദ്രത്തിലെ ജൂനിയര് പബ്ലിക് ഹെല്ത്ത് നേഴ്സ് ടി.എ ബിന്ദുവിന് നല്കുകയായിരുന്നു അദ്ദേഹം.
പുരസ്ക്കാരം ഇത്തരം മേഖലകളില് ജോലി ചെയ്യുന്നവര്ക്ക് അർഹതപ്പെട്ടതാണെന്ന് അദ്ദേഹം പറഞ്ഞു. ജില്ലയിൽ ഏറ്റവും കൂടുതൽ പേർക്ക് വാക്സിനേഷൻ നൽകിയതിനാണ് ബിന്ദു പുരസ്ക്കാരത്തിന് അര്ഹയായത്. വെച്ചൂച്ചിറ സി.എച്ച്.സിയിലെ അസി: സർജൻ ഡോ. എസ്.പി ശ്രീനാഥ് മുഖ്യപ്രഭാഷണം നടത്തി. കേരള ഇലക്ട്രിസിറ്റി വർക്കേഴ്സ് ഫെഡറേഷൻ സംസ്ഥാന സെക്രട്ടറി എന്. മനോജ് ദത്ത് അദ്ധ്യക്ഷത വഹിച്ചു. ജില്ലാ സെക്രട്ടറി ടി.ജെ .ബാബുരാജ്, ഹെൽത്ത് ഇൻസ്പകറന്മാരായ മധുസൂദനൻ,ടി. ആര് അനിൽകുമാർ, രാജു, വിനോദ് കുമാർ, പബ്ലിക്ക് ഹെൽത്ത് സൂപ്പർവൈസർ സാലി, റോസമ്മ, ഫെഡറേഷൻ പത്തനംതിട്ട ഡിവിഷൻ സെക്രട്ടറി അനിൽകുമാർ , വെച്ചൂച്ചിറ സെക്ഷൻ സെക്രട്ടറി അജികുമാർ എന്നിവർ പ്രസംഗിച്ചു.
