ന്യൂഡല്ഹി: കോണ്ഗ്രസ് ദേശീയ വക്താവ് ജയ്വീര് ഷെര്ഗില് രാജിവെച്ചു. പാര്ട്ടിയുടെ തീരുമാനങ്ങളെടുക്കുന്നവര് യുവക്കളുടെ താല്പര്യങ്ങള്ക്കും ആധുനിക ഇന്ത്യക്കുമൊപ്പമല്ലെന്നും വ്യക്തമാക്കിയാണ് ജയ്വീര് ഷെര്ഗില് രാജിവെച്ചത്.
ജനങ്ങള്ക്ക് ഉപകാരപ്രദമായ തീരുമാനങ്ങള് കോണ്ഗ്രസില് നിന്ന് ഉണ്ടാകുന്നില്ല. പാര്ട്ടി തുടര്ച്ചയായി തന്നെ അവഗണിക്കുന്നുവെന്നും അദ്ദേഹം പറഞ്ഞു.
‘കോണ്ഗ്രസ് പാര്ട്ടിയിലെ എല്ലാ സ്ഥാനങ്ങളില് നിന്നും താന് രാജിവെച്ചു. കോണ്ഗ്രസ് പാര്ട്ടിയുടെ തീരുമാനങ്ങള് അടിസ്ഥാന യാഥാര്ഥ്യവുമായി പൊരുത്തപ്പെടുന്നില്ല. ഒരു വര്ഷത്തിലേറെയായി താന് രാഹുല് ഗാന്ധി, സോണിയ ഗാന്ധി, പ്രിയങ്ക ഗാന്ധി എന്നിവരില്നിന്നു സമയം തേടുകയാണ്. പക്ഷേ തങ്ങളെ ഓഫീസിലേക്ക് അവര് സ്വാഗതം ചെയ്യുന്നില്ലെന്നും ഷെര്ഗില് കൂട്ടിച്ചേര്ത്തു.
