അസം : അസം പോലീസ് അറസ്റ്റ് ചെയ്ത ഗുജറാത്ത് എംഎല്എ ജിഗ്നേഷ് മേവാനിക്ക് ജാമ്യം. പോലിസുകാരിയോട് മോശമായി പെരുമാറിയെന്ന കേസിലാണ് അസം കോടതി ജാമ്യം അനുവദിച്ചത്. മേവാനിയുടെ ജാമ്യാപേക്ഷ അസമിലെ ബാര്പേട്ട ജില്ലയിലെ പ്രാദേശിക കോടതി നേരത്തെ തള്ളിയിരുന്നു. തുടര്ന്ന് മേവാനിയെ അഞ്ചു ദിവസത്തേക്ക് പോലീസ് കസ്റ്റഡിയില് വിട്ടിരുന്നു.
പോലീസ് ഉദ്യോഗസ്ഥരെ പൊതുമധ്യത്തില് അസഭ്യം പറയുകയും സ്വമേധയാ പരിക്കേല്പ്പിക്കുകയും ചെയ്തുവെന്ന കേസില് ബര്പേട്ട പോലീസ് സ്റ്റേഷനില് ഏപ്രില് 21നാണ് കേസ് രജിസ്റ്റര് ചെയ്തത്. കയ്യേറ്റ ശ്രമം, പൊതുസ്ഥലത്ത് അശ്ലീല പദങ്ങളുപയോഗിച്ചോ പ്രവൃത്തി കാണിച്ചോ അപമാനിക്കല്, കൃത്യനിര്വഹണം തടസപ്പെടുത്തല് തുടങ്ങിയ വകുപ്പുകള് ചുമത്തിയാണ് മേവാനിക്കെതിരെ കേസ് രജിസ്റ്റര് ചെയ്തത്.
