പത്തനംതിട്ട : ആദർശ രാഷ്ട്രീയ പ്രവർത്തനത്തിന് ഉത്തമ മാതൃകയാണ് ഇന്ത്യൻ നാഷണൽ ലീഗ് സ്ഥാപക പ്രസിഡന്റ് ഇബ്രാഹിം സുലൈമാൻ സേട്ടെന്ന് ആരോഗ്യ മന്ത്രി വീണാ ജോർജ്. ഐ.എൻ.എൽ പത്തനംതിട്ട ജില്ലാ കമ്മിറ്റിയുടെ ആഭിമുഖ്യത്തിൽ ഐ.എം.സി.സി. (യു.എ.ഇ.) യുടെ സഹകരണത്തോടെ നടത്തുന്ന മില്ലത്ത് സാന്ത്വനം റിലീഫ് പ്രവർത്തനങ്ങളുടെ ജില്ലാതല ഉദ്ഘാടനം നിർവ്വഹിക്കുകയായിരുന്നു മന്ത്രി. ജില്ലാ പ്രസിഡന്റ് നിസാർ നൂർമഹൽ അധ്യക്ഷത വഹിച്ചു.
വർക്കിംഗ് പ്രസിഡന്റ് നജീബ് ചുങ്കപ്പാറ സേട്ട് സാഹിബ് അനുസ്മരണ പ്രഭാഷണം നടത്തി. ജനറൽ സെക്രട്ടറി ബിജു മുസ്തഫ, സംസ്ഥാന വർക്കിംഗ് കമ്മിറ്റി അംഗങ്ങളായ എ.എസ്.എം ഹനീഫ, രാജൻ സുലൈമാൻ, ജില്ലാ ഭാരവാഹികളായ ഇ.എസ്.എ ജബ്ബാർ, എ.കെ ആസാദ്, അബ്ദുൽ ഷുക്കൂർ, അജീസ് മുഹമ്മദ്, ഹാഷിം കൊല്ലംപറമ്പിൽ, ഷാജഹാൻ മാങ്കോട്, മുഹമ്മദ് സലിം, വിമൻസ് ലീഗ് ജില്ലാ പ്രസിഡന്റ് സബീന സാലി, നാഷണൽ യൂത്തു ലീഗ് ജില്ലാ പ്രസിഡന്റ് എ.എം ആബിദ്, ജാഫർ ഖാൻ, അൽത്താഫ് സലിം, ദിൽഷാദ് സലിം എന്നിവർ പ്രസംഗിച്ചു.
