പാറ്റ്ന: ബീഹാറില് മുഖ്യമന്ത്രി സ്ഥാനാർത്ഥിയെച്ചൊല്ലി എൻഡിഎയിൽ അഭിപ്രായ ഭിന്നത തുടരുന്നു. ബിജെപി നിലപാട് തള്ളി ഘടകകക്ഷി നേതാവും കേന്ദ്രമന്ത്രിയുമായ ജിതൻ റാം മാഞ്ചി രംഗത്തെത്തി. നിതീഷ് കുമാർ മുഖ്യമന്ത്രി സ്ഥാനാർത്ഥിയെന്ന് മാഞ്ചി പറഞ്ഞു. നിതീഷ് തന്നെയാണ് എന്ഡിഎയുടെ മുഖം. നിതീഷിൻ്റെ നേതൃത്വത്തിൽ എൻഡിഎ മൂന്നാമതും അധികാരത്തിലെത്തും. നിതീഷിൻ്റെ സദ്ഭരണവും, മോദിയുടെ നേതൃത്വവും എൻഡിഎക്ക് വൻഭൂരിപക്ഷം നൽകുമെന്നും ജിതൻറാം മാഞ്ചി പറഞ്ഞു.
