തിരുവനന്തപുരം : ജോലി വാഗ്ദ്ധാനം ചെയ്ത് പണം തട്ടിയതിന് റെയില്വേ ജീവനക്കാരന് അറസ്റ്റില്. തമിഴ്നാട് സ്വദേശി മുരുകേശന് പിള്ളയാണ് (45) അറസ്റ്റിലായത്. ഇന്നലെ രാത്രി ഫോര്ട്ട് പോലീസാണ് ഇയാളെ പിടികൂടിയത്. നിരവധി പേരില് നിന്ന് അരക്കോടിയോളം രൂപയാണ് മുരുകേശന് പിള്ള തട്ടിയത്. വേളി ഡിവിഷനിലെ മെക്കാനിക്കല് വിഭാഗം ജീവനക്കാരനാണ് മുരുകേശന്.
ഇയാളെ ഫോര്ട്ട് പോലീസ് തമ്പാനൂര് പോലീസിന് കൈമാറി. മുരുകേശന് പിള്ളയും അനധികൃതമായാണ് റെയില്വേയില് ജോലിയില് പ്രവേശിച്ചതെന്ന് പോലീസ് പറഞ്ഞു. ഇയാള് വര്ഷങ്ങളായി തിരുവനന്തപുരത്താണ് താമസിക്കുന്നത്.
