ചങ്ങനാശ്ശേരി : മരണശേഷമുള്ള അനുശോചന പ്രസംഗങ്ങളും പുഷ്പചക്രങ്ങള്ക്കും പകരം ജീവിച്ചിരിക്കുമ്പോള് ഒരുവന്റെ കഴിവുകള് കണ്ടെത്തി വാടിയ പുഷ്പമെങ്കിലും നല്കി അനുമോദിക്കുന്നതാണ് ഉത്തമമെന്ന് സാമൂഹിക പ്രവര്ത്തകന് ഡോ.ജോണ്സണ് വി.ഇടിക്കുള. ഇന്ത്യ പെന്തെക്കോസ്ത് ദൈവസഭ (ഐ.പി.സി) ഹെബ്രോന് കണിച്ചുകുളം സഭയുടെ നേതൃത്വത്തില് സഭയുടെ സംസ്ഥാന ജോയിന്റ് സെക്രട്ടറിയായി തെരെഞ്ഞെടുക്കപ്പെട്ട പാസ്റ്റര് രാജു ആനിക്കാടിനെയും മറ്റ് വിശിഷ്ഠ വ്യക്തികളെയും ആദരിക്കുന്ന ചടങ്ങില് മുഖ്യാതിഥിയായി സംബന്ധിച്ച് മുഖ്യ സന്ദേശം നല്കുകയായിരുന്നു ഐക്യരാഷ്ട്ര സഭ സുസ്ഥിര വികസന ലക്ഷ്യങ്ങളുടെ അംബാസിഡറും നാഷണല് ഫോറം ഫോര് സോഷ്യല് ജസ്റ്റീസ് മൈനോറിറ്റി സെല് ദേശിയ അദ്ധ്യക്ഷനുമായ ഡോ.ജോണ്സണ് വി.ഇടിക്കുള.
ക്രൈസ്തവ സമൂഹം നിരാലംബരുടെ കണ്ണീരൊപ്പി അശരണര്ക്ക് ആശാദീപമായി മാറണമെന്നും മിഷണറിമാര് നല്കിയ സംഭാവനകള് വിസ്മരിക്കാനാവാത്തതാണെന്നും അദ്ദേഹം കൂട്ടി ചേര്ത്തു. വിവിധ മേഖലകളില് മികവ് തെളിയിച്ചവരായ ഡോ. വിന്സി ജോണ്, കുമ്പനാട് സോണല് സണ്ടേസ്കൂള് വൈസ് പ്രസിഡണ്ട് പാസ്റ്റര് ഏബ്രഹാം പി.ജോണ് , കുമ്പനാട് സോണല് ട്രഷറാര് ബാബു വി.സി ലൈജു കെ.ഷാജി, പ്രീത എം.സജി, അശ്വിന് ബാബു , മാര്ട്ടിന് റ്റി.ജോസഫ്, കേരള സ്റ്റേറ്റ് അണ്ടര് 18 ട്രിപ്പില് ജംബ് ഗോള്ഡ് മെഡല് ജേതാവ് ബിറ്റോ ജോജിഎന്നിവരെ മാടപള്ളി ഗ്രാമ പഞ്ചായത്ത് വൈസ് പ്രസിഡന്്റ് ആന്സി ജോസഫ് ,ഐ.ബി.റ്റി മീഡിയ ഡയറക്ടര് പാസ്റ്റര് അനില് കൊടിത്തോട്ടം , സുബേദാര് ജോജി എബ്രഹാം എന്നിവര് പുരസ്ക്കാരങ്ങള് നല്കി ആദരിച്ചു. സഭാ സെക്രട്ടറി സുരേഷ് ബാബു സ്വാഗതം ആശംസിച്ചു.സഭാ വൈസ് പ്രസിഡന്്റ് പോള് റ്റി. ജോസഫ് ശതാബ്ദിയിലേയ്ക്ക് പ്രവേശിക്കുന്ന 1929ല് സ്ഥാപിതമായ സഭയുടെ ലഘു ചരിത്രം അവതരിപ്പിച്ചു.
സഭയിലെ നവതി നിറവിലെത്തിയ എം. ഐ ജോണിനെ മനോജ് സി വര്ഗീസ് പൊന്നാട അണിയിച്ച് ആദരിച്ചു. സഭ ചരിത്ര സപ്ലിമെന്റ് പാസ്റ്റര് അനില് കൊടിത്തോട്ടം കറുകച്ചാല് സെന്റര് സെക്രട്ടറി പാസ്റ്റര് മനോജ് സി. വര്ഗീസില് നിന്നും ഏറ്റുവാങ്ങി പ്രകശനം ചെയ്തു.
