ദുബൈ: വ്യവസായ പ്രമുഖന് ജോയ് അറക്കലിന്റെ മരണം ആത്മഹത്യയാണെന്ന് ദുബൈ പോലീസ് വ്യക്തമാക്കി. ബിസിനസ് ബേയിലെ കെട്ടിടത്തിന്റെ 14ാം നിലയില് നിന്ന് ചാടിയാണ് ഇദ്ദേഹം ആത്മഹത്യ ചെയ്തത്. മരണത്തിനു പിന്നില് ഏതെങ്കിലും തരത്തിലുള്ള ക്രിമിനല് ഗൂഢാലോചനകള് ഇല്ലെന്നും പോലീസ് അറിയിച്ചു. എണ്ണ ശുദ്ധീകരണ മേഖലയില് പ്രവര്ത്തിക്കുന്ന ഇന്നോവ റിഫൈനറീസ് എന്ന സ്ഥാപനത്തിന്റെ എം.ഡിയായിരുന്ന ജോയിയുടെ മരണം ഈ മാസം 23നാണ് സംഭവിച്ചത്. സാമ്പത്തിക പ്രശ്നങ്ങളാണ് മരണത്തിനു പിന്നിലെന്നും ബര്ദുബൈ പോലീസ് സ്റ്റേഷന് ഡയറക്ടര് ബ്രിഗേഡിയര് അബ്ദുല്ലാ ഖദീം ബിന് സുറൂര് വ്യക്തമാക്കി.
അതിനിടെ ജോയിയുടെ മൃതദേഹം പ്രത്യേക വിമാനത്തില് നാട്ടിലെത്തിക്കാനുള്ള ശ്രമങ്ങള് പുരോഗമിക്കുകയാണ്. ഇന്ത്യയില് ലോക്ഡൗണും വിമാന വിലക്കും നിലനില്ക്കുന്നതിനാല് പ്രത്യേക എയര് ആംബുലന്സ് ചാര്ട്ടര് ചെയ്ത് എത്തിക്കാനാണ് തീരുമാനം. ഇതിന് ഇന്ത്യന് അഭ്യന്തര മന്ത്രാലയം അനുമതി നല്കിയിട്ടുണ്ട്. ജോയിയുടെ ഭാര്യക്കും മക്കള്ക്കും അതേ വിമാനത്തില് അനുഗമിക്കാനും അനുമതിയുണ്ട്. യു.എ.ഇ വിദേശകാര്യ-അന്താരാഷ്ട്ര സഹകരണ മന്ത്രാലയത്തിന്റെകൂടി അംഗീകാരം ലഭിച്ചാലുടന് വിമാനം പുറപ്പെടുമെന്ന് ഇന്ത്യന് കോണ്സുലേറ്റ് അറിയിച്ചു.
The post ജോയ് അറക്കലിന്റെ മരണം ആത്മഹത്യയാണെന്ന് ദുബൈ പോലീസ് appeared first on Pathanamthitta Media.
