തിരുവനന്തപുരം : കെ റെയില് പദ്ധതിയുടെ ഡി പി ആര് പുറത്ത്. 3773 പേജുകളുള്ള പഠന റിപ്പോര്ട്ടാണ് ഇപ്പോള് പുറത്തു വന്നിരിക്കുന്നത്. പരിസ്ഥിതി ആഘാത പഠനവുമായി ബന്ധപ്പെട്ട വിവരങ്ങളും ഡി പിആറിലുണ്ട്. തിരുവനന്തപുരത്തെ സെന്റര് ഫോര് എന്വയോണ്മെന്റ് ആന്ഡ് ഡെവലെപ്മെന്റ് ആണ് പരിസ്ഥിതി ആഘാതവുമായി ബന്ധപ്പെട്ട വിശദമായ പഠനം നടത്തിയത്.
സില്വര് ലൈന് കടന്നുപോകുന്ന പ്രദേശത്തെ മുഴുവന് സസ്യജാലങ്ങള്ക്കും എന്ത് സംഭവിക്കാം എന്നുള്ള വിവരങ്ങള് നല്കുന്ന ഈ പഠനത്തിന് 320 പേജുകളുണ്ട്. പദ്ധതി നിലവില് വരുമ്പോള് പൊളിക്കേണ്ട കെട്ടിടങ്ങളുടെ എണ്ണവും പൊളിക്കേണ്ട ദേവാലയങ്ങളുടെ ചിത്രങ്ങളും ഉള്പ്പെടെ ഡിപിആറില് വ്യക്തമാക്കുന്നുണ്ട്. ട്രാഫിക് സര്വേ, ജിയോ ടെക്നിക്കല് ഇന്വെസ്റ്റിഗേഷന് റിപ്പോര്ട്ട്, ടോപ്പോഗ്രാഫിക് സര്വേ എന്നിവയും ഡി.പി.ആറിന്റെ ഭാഗമാണ്.
പദ്ധതി നടപ്പിലാക്കിയാല് ഉണ്ടാകുന്ന ഇന്ധന ലാഭം, സമയ ലാഭം എന്നിവയുടെ വിശദമായ വിവരങ്ങള് നല്കുന്ന 203 പേജുള്ള ട്രാഫിക് സര്വേയും ഡിപിആറിലുണ്ട്. 974 പേജുള്ള ജിയോ ടെക്നിക്കല് ഇന്വെസ്റ്റിഗേഷന് റിപ്പോര്ട്ടും 470 പേജുള്ള ട്രോപ്പോഫിക്കല് സര്വേയും ഡിപിആറിന്റെ ഭാഗമാണ്. പദ്ധതി നടപ്പിലായാല് ഉണ്ടാകുന്ന നേട്ടങ്ങളെ കുറിച്ച് വിശദമാക്കുന്ന ഫീസിബിള് സ്റ്റഡി റിപ്പോര്ട്ടും ഡിപി ആറില് ഉള്പ്പെടുന്നു.