കണ്ണൂര് : കെ – റെയിലിനെതിരെ കേരളത്തില് നടക്കുന്നത് മാവോയിസ്റ്റ് മോഡല് സമരമാണെന്ന് സി.പി.എം ജില്ല സെക്രട്ടറി എം.വി ജയരാജന്. ഭൂമി ഏറ്റെടുത്തു എന്നു പറഞ്ഞാണ് ഇപ്പോള് കല്ല് പറിക്കുന്നത്. സാങ്കേതിക വിദ്യ ഉപയോഗിച്ച് സര്വേ നടത്തിയാലും പ്രതിഷേധം ഉണ്ടാകില്ലെന്ന് പറയാനാകില്ല. ഭൂവുടമകളുടെ ആശങ്ക പരിഹരിക്കാന് സര്ക്കാര് നടപടി സ്വീകരിക്കണമെന്നും അദ്ദേഹം മാധ്യമങ്ങളോട് പറഞ്ഞു. ഭൂമി നഷ്ടപ്പെടുന്നവര്ക്ക് ന്യായമായ നഷ്ടപരിഹാരം നല്കണം. അതിന് ഭൂവുടമകളുമായി ചര്ച്ച ചെയ്യേണ്ടത് ഉണ്ടെങ്കില് ചര്ച്ച ചെയ്യണം. ഇതിനു സര്ക്കാര് സന്നദ്ധമാണെന്നും മൊബൈല് സമരക്കാരാണ് ഇപ്പോള് സമരം നടത്തുന്നതെന്നും ജയരാജന് പറഞ്ഞു.
