കണ്ണൂര് : കണ്ണൂരില് മാവേലി എക്സ്പ്രസില് യാത്രക്കാരനെ മര്ദ്ദിച്ചത് ക്രൂരമായ സംഭവമെന്ന് കെപിസിസി അധ്യക്ഷന് കെ സുധാകരന്. ഒരു രീതിയിലും ന്യായീകരിക്കാനാകാത്ത സംഭവമാണ് കണ്ണൂരില് മാവേലി എക്സ്പ്രസിലു ണ്ടായതെന്നും കുറ്റക്കാര്ക്കെതിരെ നടപടി വേണമെന്നും സുധാകരന് പറഞ്ഞു. ട്രെയിനില് യാത്രക്കാരനെ കയ്യേറ്റം ചെയ്യാന് പോലീസിന് ആരാണ് അധികാരം നല്കിയതെന്നും സുധാകരന് ചോദിച്ചു.
‘യാത്രക്കാരനെതിരെയുണ്ടായ ഏകപക്ഷീയമായ ആക്രമണത്തില് കുറ്റക്കാര്ക്കെതിരെ നടപടി വേണം. സമനില തെറ്റിയ പോലീസാണ് കേരളത്തിലിൽ ഇന്നുള്ളത്. തങ്ങള് സ്വീകരിക്കേണ്ട നടപടികളെന്താണെന്ന് പോലും പോലീസിന് അറിയാത്ത സ്ഥിതിയാണ്. നിയന്ത്രിക്കാന് സര്ക്കാരുമില്ല. കേരളത്തില് ലോക്കല് സെക്രട്ടറിമാരെ വെച്ചാണ് പോലീസിനെ ഭരിക്കുന്നത്. ആ ഭരണമാണ് പോലീസിനെ വഴിതെറ്റിക്കുന്നത്. പോലീസ് നടപടികള് ക്രമസമാധാനം തകര്ക്കുന്ന സ്ഥിതിയാണുള്ളതെന്നും സുധാകരന് കുറ്റപ്പെടുത്തി.
