തിരുവനന്തപുരo: എഐസിസി പ്രസിഡന്റ് തിരഞ്ഞെടുപ്പില് ആര്ക്ക് വോട്ട് ചെയ്യണമെന്ന് നിര്ദേശിക്കാന് താന് ആളല്ലെന്ന് കെപിസിസി അധ്യക്ഷന് കെ.സുധാകരന്. തരൂരുമായി അടുത്ത സൗഹൃദമുണ്ട്. മനഃസാക്ഷി വോട്ട് എന്ന് പറയുന്നതില് തെറ്റില്ലെന്നും കെപിസിസി അധ്യക്ഷന് പറഞ്ഞു.അതിനിടെ കോണ്ഗ്രസ് അധ്യക്ഷനാകാന് നല്ലത് മല്ലികാര്ജുന് ഖര്ഗെയെന്ന് കെ.മുരളീധരന് എം.പി. ശശി തരൂരിന് സാധാരണ ജനങ്ങളുമായി അത്ര ബന്ധമില്ല. ഖര്ഗെയ്ക്ക് പ്രായം കൂടുതലെന്ന വിമര്ശനത്തിന് പ്രസക്തിയില്ലെന്നും പാര്ട്ടിയിലെ പ്രശ്നങ്ങള് പരിഹരിക്കാനും ജനങ്ങളെ ആകര്ഷിക്കാനും ഖര്ഗെയ്ക്ക് കഴിയുമെന്നും കെ.മുരളീധരന് തിരുവനന്തപുരത്ത് പറഞ്ഞു.
