കൊച്ചി: വൈസ് ചാന്സിലര്മാര് രാജിവെയ്ക്കണമെന്ന ഗവര്ണറുടെ നടപടിയെ സ്വാഗതം ചെയ്യുമ്പോളും ഗവര്ണറുടെ കൈകളും ശുദ്ധമല്ലെന്ന് വിമര്ശനം ഉന്നയിച്ച് കെ.പി.സി.സി അധ്യക്ഷന് കെ സുധാകരന് രംഗത്ത്. വി.സിമാര്ക്ക് നിയമനം നല്കണമെന്ന ഇടതുപക്ഷ സര്ക്കാരിന്റെ സ്വജനപക്ഷ നിലപാടിന് അന്ന് അനുകൂല നിലപാട് സ്വീകരിച്ച ഗവര്ണറുടെ കൈകളും ശുദ്ധമല്ലെന്നാണ് സുധാകരന് അഭിപ്രായപ്പെട്ടത്. നടപടി അനുചിതം തന്നെയാണെന്നും ഭരണഘടനാ ഉന്നതപദവിയിലിരിക്കുന്ന ഗവര്ണര് ഒരിക്കലും ചെയ്യാന് പാടില്ലാത്ത നടപടിയായിരുന്നു അതെന്നും സുധാകരന് വാര്ത്താക്കുറിപ്പിലുടെ ചൂണ്ടികാട്ടി.
‘യു ജി സി മാനദണ്ഡങ്ങള്ക്ക് വിരുദ്ധമായി നിയമനം ലഭിച്ച വൈസ് ചാന്സിലര്മാര് രാജിവെയ്ക്കണമെന്ന ഗവര്ണ്ണറുടെ നടപടി സ്വാഗതാര്ഹമാണ്. വി സി നിയമനവുമായി ബന്ധപ്പെട്ട് കോണ്ഗ്രസ് ഉന്നയിച്ച ആരോപണങ്ങള് ശരിയാണെന്ന് തെളിഞ്ഞു. വ്യവസ്ഥകള് ലംഘിച്ച് വി സിമാര്ക്ക് നിയമനം നല്കിയതില് ഗവര്ണര്ക്കും പങ്കുണ്ട്. കണ്ണൂര്, കാലടി സര്വകലാശാലകളിലെ വി സി നിയമനം തെറ്റാണെന്ന് അറിഞ്ഞിട്ടും ഗവര്ണര് സര്ക്കാരിന് വഴങ്ങി. സ്വന്തം ജില്ലയിലെ വി സി നിയമനത്തില് മുഖ്യമന്ത്രിയുടെ ശുപാര്ശ അംഗീകരിച്ച ഗവര്ണറുടെ നടപടി അനുചിതം തന്നെയാണ്. ഭരണഘടനാ ഉന്നതപദവിയിലിരിക്കുന്ന ഗവര്ണര് ഒരിക്കലും ചെയ്യാന് പാടില്ലാത്ത നടപടിയാണത്.
വി സി വിഷയത്തില് പാര്ട്ടിയിലും മുന്നണിയിലും ഭിന്നതയില്ല. ബി ജെ പി അജണ്ടകള് നടപ്പിലാക്കാന് കേന്ദ്ര സര്ക്കാര് ഗവര്ണ്ണര്മാരെ ഉപയോഗിക്കുന്നു എന്നത് യാഥാര്ത്ഥ്യമാണ്. ബി ജെ പി ഭരണത്തില് വന്നശേഷം വിവിധ സംസ്ഥാനങ്ങളില് ഗവര്ണര്മാര് ജനാധിപത്യത്തെ ഉള്ളം കയ്യിലിട്ട് അമ്മാനമാടുകയാണെന്നും സുധാകരന് പറഞ്ഞു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് – ലോകമെങ്ങും കാണട്ടെ നിങ്ങളുടെ പരസ്യം മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.