തിരുവനന്തപുരം : മന്ത്രി കടകംപള്ളി സുരേന്ദ്രനെതിരെ രൂക്ഷവിമര്ശനവുമായി ബിജെപി സംസ്ഥാന പ്രസിഡന്റ് കെ. സുരേന്ദ്രന്. കേന്ദ്രമന്ത്രി വി. മുരളീധരനെ വിമര്ശിക്കുന്ന കടകംപള്ളി സുരേന്ദ്രന് കേരള മന്ത്രിസഭയിലെ ശകുനിയാണ്. കേരളത്തെയും കേന്ദ്രസര്ക്കാരിനെയും തമ്മിലടിപ്പിക്കുന്ന ശകുനിയുടെ റോളാണ് കടകംപള്ളി കൈകാര്യം ചെയ്തുകൊണ്ടിരിക്കുന്നത്.
രാജവാഴ്ചയുടെ കാലത്ത് തമ്പുരാക്കന്മാര് പറയുന്ന പോലെയാണ് കടകംപള്ളി പറയുന്നത്. ഇത്രയധികം ധാര്ഷ്യത്തോടെയും അഹങ്കാരത്തോടെയും സംസാരിക്കുകയും ഇടപെടുകയും ചെയ്യുന്ന മന്ത്രിമാര് വേറെയുണ്ടോ എന്നും സുരേന്ദ്രന് ചോദിച്ചു. ഇത് കമ്യൂണിസ്റ്റ് രാജ്യമല്ല, ജനാധിപത്യരാജ്യമാണ്. ഇവിടെ വിമര്ശനങ്ങള് ഉയര്ന്നുവരും. കേരളമെന്നാല് പിണറായി എന്നാണ് കടകംപള്ളി പറയുന്നത്. മുഖ്യമന്ത്രി പിണറായി വിജയനെ ആരും വിമര്ശിക്കരുതെന്ന നിലപാടാണ് കടകംപള്ളിക്ക് ഉള്ളതെന്നും സുരേന്ദ്രന് പറഞ്ഞു. കടകംപള്ളിക്ക് വിഭ്രാന്തി വരുന്നത് പോരായ്മകള് ചൂണ്ടിക്കാണിക്കുന്നതുകൊണ്ടാണ്. ജനാധിപത്യത്തില് ഇത്തരം വിമര്ശനങ്ങള് ഉണ്ടാകുമെന്നും സുരേന്ദ്രന് പറഞ്ഞു.
ഇടുക്കിയിലും കോട്ടയത്തും ഗ്രീന്സോണായി പ്രഖ്യാപിച്ച് ലോക്ക്ഡൗണ് നിയന്ത്രണങ്ങള് ഇളവു വരുത്തിയതിന്റെ ഫലമാണ് ഇപ്പോള് ഇരു ജില്ലകളിലും കൊവിഡ് രോഗം വര്ധിക്കാന് ഇടയായതെന്ന് മുരളീധരന് വിമര്ശിച്ചിരുന്നു. ഇതിനെതിരെ കടകംപള്ളി സുരേന്ദ്രന് വിമര്ശനം ഉന്നയിച്ചു. വി. മുരളീധരന് തരംതാണ രാഷ്ട്രീയക്കാരനായി അധഃപതിക്കരുത്. സ്വന്തം കര്ത്തവ്യം നിര്വഹിക്കാനാണ് മുരളീധരന് ശ്രമിക്കേണ്ടത്. പ്രവാസികളെ മടക്കിക്കൊണ്ടുവരാനാണ് മുരളീധരന് ശ്രമിക്കേണ്ടതെന്നും കടകംപള്ളി സുരേന്ദ്രന് പറഞ്ഞിരുന്നു.
The post വി. മുരളീധരനെ വിമര്ശിക്കുന്ന കടകംപള്ളി സുരേന്ദ്രന് കേരള മന്ത്രിസഭയിലെ ശകുനി : കെ. സുരേന്ദ്രന് appeared first on Pathanamthitta Media.
