തിരുവനന്തപുരം: വടക്കഞ്ചേരി ബസ് അപകടത്തില് മരിച്ചവരുടെ കുടുംബത്തിനും പരുക്കേറ്റവര്ക്കും സംസ്ഥാന സര്ക്കാര് ഉടന് നഷ്ടപരിഹാരം അനുവദിക്കണമെന്നു ബിജെപി സംസ്ഥാന അധ്യക്ഷന് കെ.സുരേന്ദ്രന്. അപകടത്തില് മരിച്ചവരുടെ കുടുംബങ്ങള്ക്കു 2 ലക്ഷം രൂപയും പരുക്കേറ്റവര്ക്ക് 50,000 രൂപയും പ്രധാനമന്ത്രി നരേന്ദ്ര മോദി അനുവദിച്ചത് ആശ്വാസകരമാണ്. കേന്ദ്രത്തിനെ മാതൃകയാക്കാന് സംസ്ഥാന സര്ക്കാര് തയാറാവണം.
സംസ്ഥാനത്തു റോഡ് അപകടങ്ങള് തടയാന് സര്ക്കാര് കര്ശനമായി ഇടപെടണം. അപകടത്തില്പ്പെട്ട ബസിനെതിരെ നേരത്തേ 5 കേസുകള് എടുത്തിരുന്നുവെന്നത് ഞെട്ടിക്കുന്നതാണ്. കുപ്രസിദ്ധമായ ബസിനെതിരെ മോട്ടോര് വാഹന വകുപ്പ് ജാഗ്രത പാലിച്ചിരുന്നെങ്കില് വന് അപകടം ഒഴിവാക്കാമായിരുന്നു. ടൂറിസ്റ്റ് ബസുകളുടെയും ദീര്ഘദൂര ബസുകളുടെയും അമിതവേഗം നിയന്ത്രിക്കാന് മോട്ടോര് വാഹന വകുപ്പും പോലീസും തയാറാവണമെന്നും സുരേന്ദ്രന് ആവശ്യപ്പെട്ടു.
