റാന്നി : ശബരിമല വനമേഖലയിലെ ആദിവാസി കുട്ടികൾക്ക് മദ്ധ്യവേനൽ അവധിക്കാലത്ത് ഊരുകളിൽ പൊതിച്ചോർ എത്തിക്കുന്ന ‘കാടറിയുന്നവരുടെ വയർ എരിയാതിരിക്കാൻ” എന്ന് പദ്ധതി പ്ലാപ്പള്ളി ആദിവാസി കുടിയില് ഉദ്ഘാടനം ചെയ്തു. റാന്നി എം.എല്.എ അഡ്വ. പ്രമോദ് നാരായൺ ഉദ്ഘാടനം ചെയ്തു. ജില്ലാ കലക്ടർ ഡോ.ദിവ്യാ.എസ്. അയ്യർ ഐ.എ.എസ് മുഖ്യാതിഥിയായിരുന്നു.
ബ്ലോക്ക് പഞ്ചായത്ത് പ്രസിഡന്റ് കെ.എസ്.ഗോപി, പെരുനാട് ഗ്രാമ പഞ്ചായത്ത് പ്രസിഡന്റ് പി.എസ്.മോഹനൻ, ഗുഡ് സമരിററൻ ചാരിറ്റബിൾ ആൻഡ് റിലീഫ് സൊസൈറ്റി ചെയർമാൻ ഫാ.ബെൻസി.മാത്യു കിഴക്കേതിൽ, ഗ്രാമപഞ്ചായത്ത് വൈസ് പ്രസിഡന്റ് ഡി ശ്രീകല, ഗ്രാമപഞ്ചായത്ത് അംഗങ്ങളായ അനില് അനിരുദ്ധന്, എംഎസ്.ശ്യാം, മഞ്ജു പ്രമോദ്, ബിജു തോമസ് അമ്പൂരി, രജിത്.കെ.രാജ് എന്നിവര് പ്രസംഗിച്ചു.
