ചുങ്കപ്പാറ: ഇസ്ലാം ആദരവ് പഠിപ്പിച്ച മതമാണെന്നും പ്രവാചകൻ പഠിപ്പിച്ചത് സാഹോദര്യമാണന്നും വായ്പ്പൂര് ജാമിഅ റഹ്മത്തുൽ അനാം അറബി കോളേജ് പ്രിൻസിപ്പാൾ കല്ലൂർ പി. എസ്. അബ്ദുൾ റഹിം മൗലവി പറഞ്ഞു. പ്രവാചക നിന്ദക്കെതിരെ ദക്ഷിണ കേരളാ ലജ്നത്തുൽ മുഅല്ലിമീൻ വായ്പ്പൂര് മേഖല’ നടത്തിയ പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ഡി കെ എൽ എം വായ്പ്പൂര് മേഖലാ പ്രസിഡന്റ് വി എച്ച് മുഹമ്മദ് ശാഹ് മൗലവി എം എഫ് ബി അദ്ധ്യക്ഷത വഹിച്ചു.
കുളത്തൂർ മൂഴിയിൽ നിന്നും ആരംഭിച്ച പ്രതിഷേധ റാലി കങ്ങഴ ജമാഅത്ത് ചീഫ് ഇമാം എൻ കെ ഷെഫീക്ക് മന്നാനി ഉദ്ഘാടനം ചെയ്തു. പേഴക്കാപള്ളി ജാമിഅ ബദരിയാ അറബിക്ക് കോളേജ് പ്രിൻസിപ്പാൾ
കെ പി മുഹമ്മദ് തഫീക്ക് മൗലവി അൽ ബദരി അൽ ബാഖവി മുഖ്യപ്രഭാഷണം നടത്തി. ഡി കെ എൽ എം വായ്പ്പൂര് മേഖലാ ജനറൽ സെക്രട്ടറി അനീസ് റഹ്മാനി എംഎഫ് ബി, വായ്പ്പൂര് പഴയ പള്ളി ജമാഅത്ത് പ്രസിഡന്റ് മുഹമ്മദ് ഹുസൈൻ, പുത്തൻ പള്ളി ജമാഅത്ത് പ്രസിഡന്റ് ഹുനൈസ് ഊട്ടുകുളം, മേഖലാ വൈസ് പ്രസിഡന്റ് സിയാദ് മൗലവി ബാഖവി എന്നിവര് പ്രസംഗിച്ചു.
