പാലക്കാട് : കണ്ണമ്പ്ര വേലയുടെ ഭാഗമായി നടന്ന വെടിക്കെട്ടിനിടെ അപകടം. 13 പേര്ക്ക് പരുക്ക് പറ്റി. രണ്ട് പേരുടെ നില ഗുരുതരമാണ്. ബുധനാഴ്ച രാത്രി ഒമ്പത് മണിയോടെയാണ് അപകടമുണ്ടായത്. വെടിക്കെട്ടില് അവസാനത്തെ കൂട്ട് പൊട്ടുന്നതിനിടെ കല്ലും, മണ്ണും, മുളങ്കുറ്റിയും, കമ്പികളും വെടിക്കെട്ട് കാണാന് നില്ക്കുന്നവരുടെ ഇടയിലേക്ക് തെറിച്ച് വീഴുകയായിരുന്നു. പരിക്കേറ്റവരെ വടക്കഞ്ചേരി, തൃശൂര്, ആലത്തൂര്, നെന്മാറ എന്നിവിടങ്ങളിലെ വിവിധ ആശുപത്രികളില് പ്രവേശിപ്പിച്ചിരിക്കുകയാണ്.
അപകടത്തില് കണ്ണമ്പ്ര ഹസീന (26), വെമ്പല്ലൂര് മുഹമ്മദാലിജിന്ന (50), കണ്ണമ്പ്ര ഫര്ഷാന (19), പുതുനഗരം മുഹമ്മദ് ഷിഹാബ് (20), പൊള്ളാച്ചി രാജേഷ് (32), കാവശ്ശേരി അരുണ് (23), മണപ്പാടം ജനാര്ദ്ദനന് (40), കോട്ടായി സജിത്ത് (23), കോട്ടായി ധനേഷ് (23), ആര് മംഗലം വിഷ്ണു (19), പുതുനഗരം റഹ്മാന് (25), മഞ്ഞപ്ര അക്ഷയ് ( 16) അര്ജുണ് തുടങ്ങിയവര്ക്കാണ് പരിക്കേറ്റത്. മറ്റു ചിലര്ക്ക് കൂടി നിസ്സാര പരിക്കേറ്റിട്ടുണ്ടെന്നാണ് വിവരം.
