ബംഗളൂരു : കേരളമടക്കം നാല് സംസ്ഥാനങ്ങളില് നിന്നുള്ള യാത്രക്കാര്ക്ക് മേയ് 31 വരെ വിലക്കേര്പ്പെടുത്തിയ നടപടി കര്ണാടക സർക്കാർ തിരുത്തി. വിലക്കില് നിന്ന് കേരളത്തെ ഒഴിവാക്കി. ഇതര സംസ്ഥാനങ്ങളില് നിന്ന് കര്ണാടകയിലേക്ക് തിരിച്ചെത്തുന്നവരില് കൊവിഡ് 19 കേസ് കൂടുതല് റിപ്പോര്ട്ട് ചെയ്തതോടെ കേരളം, തമിഴ്നാട്, മഹാരാഷ്ട്ര, ഗുജറാത്ത് എന്നീ സംസ്ഥാനങ്ങളില് നിന്നുള്ളവര്ക്ക് യാത്രാവിലക്ക് ഏര്പ്പെടുത്തുന്നതായി തിങ്കളാഴ്ച മുഖ്യമന്ത്രി ബി.എസ് യെദ്യൂരപ്പ അറിയിച്ചിരുന്നു. ഇക്കാര്യം ആരോഗ്യ വകുപ്പ് ഔദ്യോഗിക ട്വിറ്റര് പേജില് അറിയിക്കുകയും ചെയ്തു. എന്നാല് നിലവില് കര്ണാടകയിലേക്ക് മടങ്ങാന് കര്ണാടകയുടെ സേവാ സിന്ധു വെബ്സൈറ്റ് വഴി പാസ് ലഭിച്ചവര്ക്ക് തടസ്സമില്ലെന്നും അടിയന്തര സാഹചര്യമുള്ളവര്ക്കും അവശ്യ സര്വീസുകള്ക്കും പ്രവേശാനുമതി നല്കുമെന്നും കർണാടക സർക്കാർ അറിയിച്ചു.
