ഡല്ഹി : ഭരണഘടനാനുസൃതമായി ലഭിച്ച അവകാശങ്ങളെ കൊള്ളയടിക്കുകയാണ് ജമ്മു-കശ്മീരിന്റെ പ്രത്യേക പദവി റദ്ദാക്കുക വഴി കേന്ദ്ര സര്ക്കാര് ചെയ്തതെന്ന് പി.ഡി പി പ്രസിഡന്റും മുന് മുഖ്യമന്ത്രിയുമായ മെഹബൂബ മുഫ്തി.
370ാം വകുപ്പിന്റെ പുനഃസ്ഥാപനം മാത്രമല്ല, കശ്മീര് പ്രശ്നത്തിന് ശാശ്വത പരിഹാരമാണ് തന്റെ ലക്ഷ്യമെന്നും കശ്മീരിന്റെ പ്രത്യേക പതാക പുന:സ്ഥാപിക്കുന്നത് വരെ ജമ്മു കശ്മീരില് ദേശീയ പതാക ഉയര്ത്തുകയില്ലെന്നും മെഹബൂബ പറഞ്ഞു. 14 മാസത്തെ വീട്ടുതടങ്കലില് നിന്ന് മോചിതയായ ശേഷം നടത്തിയ ആദ്യ പത്രസമ്മേളനത്തിലാണ് മെഹബൂബ ഇക്കാര്യം പറഞ്ഞത്. ഭരണഘടനാവകാശങ്ങളും സംസ്ഥാന പതാകയും നിലവിലില്ലാത്തിടത്തോളം കാലം തെരഞ്ഞെടുപ്പ് രാഷ്ട്രീയവുമായി എനിക്ക് യാതൊരു ബന്ധവുമില്ല. ഞങ്ങളുടെ പതാക എന്റെ മുന്നിലുണ്ട്. ഈ പതാക നിങ്ങള് പുനഃസ്ഥാപിച്ചു നല്കുമ്പോള് ഞങ്ങള് മറ്റ് പതാകയും ഉയര്ത്തും, അതുവരെ മറ്റൊരു പതാകയും ഉയര്ത്താന് ഞങ്ങള് തയ്യാറല്ല- മെഹബൂബ മുഫ്തി പറഞ്ഞു.