ജമ്മു : കേന്ദ്ര ആഭ്യന്തരമന്ത്രി അമിത്ഷായുടെ സന്ദര്ശനത്തിനിടയിലും കശ്മീരില് സായുധാക്രമണം. ഷോപ്പിയാനില് ആക്രമണത്തിനിടെ നാട്ടുകാരന് കൊല്ലപ്പെട്ടു. പൂഞ്ചില് ഒരു ജവാനും രണ്ട് പോലിസുകാര്ക്കും പരിക്കേറ്റതായാണ് റിപ്പോര്ട്ടുകള്. തോക്ക് ധാരി ആള്ക്കൂട്ടത്തിന് നേരെ വെടിയുതിര്ക്കുകയായിരുന്നു. ഈ മാസം ഇതുവരെയുണ്ടായ സായുധാക്രണത്തില് 12 സാധാരണക്കാരാണ് കൊല്ലപ്പെട്ടത്.
പൂഞ്ചിലെ വനമേഖലയിലാണ് സൈന്യത്തിനും പോലിസ് നേരെ അതിക്രമം ഉണ്ടായത്. ഇവരുടെ നില ഗുരുതരമല്ലെന്നാണ് റിപ്പോര്ട്ടുകള്. ആക്രമണത്തില് ശക്തമായി തിരിച്ചടിയ്ക്കണമെന്ന് അമിത് ഷാ ഉന്നതതലയോഗത്തില് വ്യക്തമാക്കിയിരുന്നു. വേണമെങ്കില് സൈന്യത്തിലെ അംഗങ്ങളുടെ എണ്ണം വര്ധിപ്പിക്കുമെന്നും അമിത് ഷാ പറഞ്ഞിരുന്നു. അമിത് ഷായുടെ ജമ്മുവിലെ സന്ദര്ശത്തിന്റെ രണ്ടാം ദിവസമാണ് ഇന്ന്.
