പത്തനംതിട്ട : ലോകത്തിന് മാതൃകയായ ധീരവനിതയായിരുന്നു കസ്തൂർബ്ബാ ഗാന്ധിയെന്നും കസ്തൂർബ്ബാഗാന്ധിയുടെ ജീവചരിത്രം പാഠ വിഷയമാക്കണമെന്നും കേരളാ പ്രദേശ് ഗാന്ധി ദർശൻവേദി സംസ്ഥാന സെക്രട്ടറി രെജനി പ്രദീപ് പറഞ്ഞു. വനിതാ ഗാന്ധി ദർശൻവേദി ജില്ലാക്കമ്മറ്റി സംഘടിപ്പിച്ച കസ്തൂർബാഗാന്ധി ദിനം ഉദ്ഘാടനം ചെയ്ത് പ്രസംഗിക്കുകയായിരുന്നു. ബീഹാറിൽ മഹാത്മാ ഗാന്ധിയുടെ പ്രതിമ തകർത്തത്തിൽ യോഗം പ്രതിഷേധിച്ചു.
ജില്ലാ പ്രസിഡന്റ് അഡ്വ. ഷൈനി ജോർജ്ജിന്റെ അധ്യക്ഷതയിൽ ഡിസിസി ഹാളിൽ കൂടിയ സമ്മേളനത്തിൽ ഗാന്ധി ദർശൻ ഹരിതവേദി സംസ്ഥാന ചെയർമാൻ ബിനു എസ്. ചക്കാലയിൽ മുഖ്യ പ്രഭാഷണം നടത്തി, വനിതാവേദി സംസ്ഥാന കൺവീനർ എലിസബേത് അബു, കെപിജിഡി സംസ്ഥാന കമ്മറ്റിയംഗം സജിദേവി, കെപിജിഡി ജില്ലാ ജനറൽ സെക്രട്ടറി ഏബൽ മാത്യു, സലിം പെരുന്നാട്, അഡ്വ. ആശാകുമാരി, അഡ്വ.ഷെറിൻ എം. തോമസ്, ലീല രാജൻ, ഓമന സത്യൻ എന്നിവർ പ്രസംഗിച്ചു.
