തിരുവനന്തപുരം : മുഖ്യമന്ത്രി കാര്യത്തിൽ ആശങ്ക വേണ്ടെന്നും എല്ലാം ജനാധിപത്യപരമായി നടക്കുമെന്നും കെ.സി. വേണുഗോപാൽ. മുഖ്യമന്ത്രി സ്ഥാനത്തെ സംബന്ധിച്ചുള്ള കാര്യങ്ങളിൽ തങ്ങൾക്ക് യാതൊരുവിധ ആശങ്കയുമില്ലെന്നും എല്ലാ തീരുമാനങ്ങളും കൃത്യമായ ജനാധിപത്യ രീതിയിൽ തന്നെ നടക്കുമെന്നും അദ്ദേഹം വ്യക്തമാക്കി. മുഖ്യമന്ത്രി സ്ഥാനത്തെക്കുറിച്ചുള്ള പരസ്യമായ ചർച്ചകൾ പാർട്ടി നേതൃത്വം വിലക്കിയിട്ടുണ്ടെന്നും അച്ചടക്കമുള്ള ഒരു പാർട്ടി പ്രവർത്തകൻ എന്ന നിലയിൽ താൻ ആ തീരുമാനം പാലിക്കുമെന്നും അദ്ദേഹം പറഞ്ഞു.
തന്നോടുള്ള സ്നേഹം പ്രകടിപ്പിക്കുന്നവരോട് നന്ദിയുണ്ടെങ്കിലും ഇത്തരം വിഷയങ്ങളിൽ ഇപ്പോൾ പ്രതികരിക്കാനില്ലെന്നാണ് അദ്ദേഹത്തിന്റെ നിലപാട്. ആലപ്പുഴയിൽ നിന്നുള്ള ഒരു മുഖ്യമന്ത്രി എന്ന നിലയിലുള്ള ആകാംക്ഷയെക്കുറിച്ചുള്ള ചോദ്യങ്ങളോടും ഉത്തരവാദിത്തമുള്ള പാർട്ടി പ്രവർത്തകൻ എന്ന നിലയിൽ പ്രതികരിക്കാനില്ലെന്ന് കെ സി വേണുഗോപാൽ പറഞ്ഞു.
