തിരുവനന്തപുരം : കുട്ടികള് കൂടുതലുള്ള കുടുംബങ്ങള്ക്ക് ആനുകൂല്യങ്ങളുമായി കെ.സി.ബി.സി വിദ്യാഭ്യാസ സ്ഥാപനങ്ങള്, ആശുപത്രികള് എന്നിവയുടെ സഹകരണത്തോടെ ക്ഷേമപദ്ധതികള് നടപ്പിലാക്കാനാണ് കെ.സി.ബി.സിയുടെ നീക്കം. മൂന്നോ അതില് കൂടുതലോ കുട്ടികളുള്ള കുടുംബങ്ങങ്ങളുടെ മാമോദിസ ചടങ്ങിന് സമ്മാനം നല്കാനും ശിപാര്ശയുണ്ട്.
നേരത്തെ പാലാ രൂപതയും സമാനമായ നിലപാട് സ്വീകരിച്ചിരുന്നു. 2000 ത്തിന് ശേഷം വിവാഹിതരായ അഞ്ചു കുട്ടികളില് കൂടുതലുള്ള കുടുംബത്തിന് 1500 രൂപ പ്രതിമാസം സാമ്പത്തിക സഹായം നല്കുമെന്നായിരുന്നു രൂപതയുടെ പ്രഖ്യാപനം. ഇതുള്പ്പെടെ ആറ് ആനുകൂല്യങ്ങളടങ്ങുന്ന വിശദമായ സര്ക്കുലറും രൂപത പുറത്തുവിട്ടിരുന്നു.
പിന്നാലെ ക്രിസ്ത്യന് സമുദായത്തിന്റെ ജനസംഖ്യ വര്ധനവിന് പ്രോത്സാഹനവുമായി സിറോ മലങ്കരസഭ പത്തനംതിട്ട രൂപതയും രംഗത്തെത്തിയിരുന്നു. നാലിലധികം കുട്ടികളുള്ളവര്ക്ക് പ്രതിമാസം 2000 രൂപ നല്കുമെന്നായിരുന്നു പത്തനംതിട്ട രൂപത പുറത്തിറക്കിയ സര്ക്കുലറില് പറഞ്ഞിരുന്നത്.
