മനുഷ്യശരീരത്തില് ഏറെ ശ്രദ്ധവേണ്ട പ്രധാനപ്പെട്ട അവയവങ്ങളില് ഒന്നാണ് വൃക്കകള്. വൃക്കകളെ ബാധിക്കുന്ന രോഗങ്ങള് തുടക്കത്തിലെ കണ്ടെത്തുക ബുദ്ധിമുട്ടാണ്. രോഗത്തിന്റെ പ്രാരംഭത്തില് സാധാരണയായി അടയാളങ്ങളോ ലക്ഷണങ്ങളോ പ്രകടമാകാത്തതാണ് കാരണം. എന്നാല് തുടക്കത്തില്തന്നെ കണ്ടെത്തിയാല് ചില ജീവിതശൈലി മാറ്റങ്ങള് വഴി വൃക്കരോഗത്തെ നിയന്ത്രിക്കാനാകും.
രക്തത്തില് നിന്ന് മാലിന്യങ്ങള്, അധിക വെള്ളം, മറ്റ് മാലിന്യങ്ങള് എന്നിവ ഫില്ട്ടര് ചെയ്യുന്ന പ്രവൃത്തിയാണ് വൃക്കയുടെ പ്രധാന കര്ത്തവ്യം. ഈ മാലിന്യങ്ങള് നിങ്ങളുടെ മൂത്രസഞ്ചിയില് സൂക്ഷിക്കുകയും പിന്നീട് മൂത്രത്തിലൂടെ പുറന്തള്ളപ്പെടുകയും ചെയ്യുന്നു. കൂടാതെ വൃക്കകള് ശരീരത്തിലെ പിഎച്ച്, ഉപ്പ്, പൊട്ടാസ്യം എന്നിവയുടെ അളവ് നിയന്ത്രിക്കുന്നു. രക്തസമ്മര്ദ്ദം നിയന്ത്രിക്കുകയും ചുവന്ന രക്താണുക്കളുടെ ഉത്പാദനം നിയന്ത്രിക്കുകയും ചെയ്യുന്ന ഹോര്മോണുകളും അവ ഉത്പാദിപ്പിക്കുന്നു.
വൃക്കകളുടെ ആരോഗ്യം നിലനിര്ത്തുന്നത് നിങ്ങളുടെ മൊത്തത്തിലുള്ള ആരോഗ്യത്തിനും പൊതുവായ ക്ഷേമത്തിനും പ്രധാനമാണ്. കിഡ്നിയെ ആരോഗ്യകരമായി നിലനിര്ത്തുന്നതിലൂടെ ശരീരം ശരിയായി മാലിന്യങ്ങള് ഫില്ട്ടര് ചെയ്യുകയും പുറന്തള്ളുകയും നിങ്ങളുടെ ശരീരം ശരിയായി പ്രവര്ത്തിക്കാന് സഹായിക്കുന്നതിന് ഹോര്മോണുകള് ഉത്പാദിപ്പിക്കുകയും ചെയ്യും.
വൃക്കകളുടെ ആരോഗ്യത്തിനായി ശ്രദ്ധിക്കേണ്ട ചില കാര്യങ്ങളെക്കുറിച്ച് ഇനി പറയാം…
വ്യായാമം വൃക്കരോഗ സാധ്യത കുറയ്ക്കും. ഇത് നിങ്ങളുടെ രക്തസമ്മര്ദ്ദം കുറയ്ക്കുകയും നിങ്ങളുടെ ഹൃദയാരോഗ്യം വര്ദ്ധിപ്പിക്കുകയും ചെയ്യും. വെള്ളം കുടിക്കുന്നത് വൃക്കകള്ക്ക് ആരോഗ്യകരമാണ്.