കെനിയയില്‍ ബസ് നദിയിലേക്കു മറിഞ്ഞുണ്ടായ അപകടത്തില്‍ 32 പേര്‍ മരിച്ചു

നെയ്‌റോബി : വിവാഹപാര്‍ട്ടി സഞ്ചരിച്ച വാഹനം നദിയിലേയ്ക്കു മറിഞ്ഞ് 32 പേര്‍ മരണപ്പെട്ടു. കെനിയയില്‍ ബിടുയി കൗണ്ടിയിലെ എന്‍സുയി നദിയിലാണ് അപകടം നടന്നത്. അപകടത്തില്‍ 32 പേര്‍ക്ക് മരണം സംഭവിക്കുകയും 17പോര്‍ക്ക് പരുക്ക് പറ്റുകയും ചെയ്തു. ഇതില്‍ 5പേരുടെ പരിക്ക് ഗുരുതരമാണ്. ഒരു വിവാഹത്തില്‍ പങ്കെടുക്കാന്‍ പോയ 50 അംഗ സംഘമാണ് അപകടത്തില്‍പ്പെട്ടത്. മരിച്ചവരില്‍ 15 പേര്‍ ഒരേ കുടുംബത്തില്‍പ്പെട്ടവരാണ്. കര കവിഞ്ഞൊഴുകുന്ന നദിക്ക് കുറുകെയുള്ള പാലം മുറിച്ചുകടക്കുമ്പോഴാണ് ബസ് നിയന്ത്രണം വിട്ട് നദിയിലേക്ക് മറിഞ്ഞത്. നദിയിലെ ശക്തമായ ഒഴുക്കും രക്ഷാപ്രവര്‍ത്തനത്തിന് തടസമായി.