23.7 C
Pathanāmthitta
Thursday, October 28, 2021 11:39 pm
Advertisment

സി.ഐ.ടി.യു സിനിമ രംഗത്തേയ്ക്കും ; പുതിയ സംഘടന രൂപവൽകരിച്ചു

കൊച്ചി : ഇന്ത്യയിലെ ഏറ്റവും വലിയ തൊഴിലാളി ട്രേഡ് യൂണിയനായ സി.ഐ.ടി യുവിന്റെ പ്രവർത്തന മേഖല സിനിമ രംഗത്തേയ്ക്കും വ്യാപിപ്പിയ്ക്കുന്നു. സി.ഐ.ടി.യു സംസ്ഥാന കമ്മിറ്റിയുടെ തീരുമാനപ്രകാരം കേരള സിനിമ എംപ്ലോയീസ് ഫെഡറേഷൻ (കെ.സി.ഇ.ഫ് ) എന്ന പേരിൽ പുതിയ സിനിമ സംഘടന നിലവിൽ വന്നു. സി.ഐ.ടി.യു സംസ്ഥാന കമ്മിറ്റി അംഗം സുമേഷ് പദ്മനാണ് സംസ്ഥാന പ്രസിഡന്റ്. സിനിമ പി.ആർ.ഒ എ.എസ് പ്രകാശിനെ സംസ്ഥാന ജനറൽ സെക്രട്ടറിയായും തെരഞ്ഞെടുത്തു.

സി.ഐ.ടി.യു സംസ്ഥാന ജനറൽ സെക്രട്ടറി എളമരം കരീം എംപി , സംസ്ഥാന സെക്രട്ടറിയും കിലെ ചെയർമാനുമായ കെ.എൻ ഗോപിനാഥ് എന്നിവരുടെ നേതൃത്വത്തിൽ സിനിമയിലെ വിവിധ മേഖലകളിൽ പ്രവർത്തിയ്ക്കുന്നവരുമായി ചർച്ച നടത്തിയതിനുശേഷമാണ് എല്ലാ വിഭാഗം സിനിമ പ്രവർത്തകരെയും ഒരു കുടക്കീഴിൽ അണി നിരത്തുന്ന സംഘടനയ്ക്ക് രൂപം നൽകിയത്.

തുച്ഛമായ പ്രവേശന ഫീസും മാസവരിയും മാത്രം ഈടാക്കാനാണ് പുതിയ സിനിമ സംഘടനയ്ക്ക് സി.ഐ.ടി.യു സംസ്ഥാന കമ്മിറ്റിയുടെ നിർദേശം. അപേക്ഷ സമർപ്പിയ്ക്കുന്നവരുടെ രാഷ്ട്രീയം പരിഗണിയ്ക്കാതെ അർഹതയുള്ള എല്ലാവർക്കും സംഘടനയിൽ അംഗത്വം നൽകുമെന്നും ഭാരവാഹികൾ അറിയിച്ചു.

- Advertisment -
Advertisment
Advertisment
- Advertisment -
- Advertisment -

Most Popular