കണ്ണൂര്; കേന്ദ്രത്തിനും ആര്എസ്എസിനും തലശേരി ബിഷപ്പിനുമെതിരെ മുഖ്യമന്ത്രി പിണറായി വിജയന്. പ്രതിപക്ഷ ശബ്ദം പാര്ലമെന്റില് ഉയരാന് പാടില്ലെന്നു ഭരണകക്ഷി തീരുമാനിക്കുന്നുവെന്നും മുഖ്യമന്ത്രി പറഞ്ഞു. കണ്ണൂര് പെരളശ്ശേരിയില് ഇഎംഎസ്, എകെജി അനുസ്മരണ റാലി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജനാധിപത്യത്തെ ആട്ടിമറിക്കാന് സാധ്യമായതൊക്കെ ചെയ്യുന്ന സര്ക്കാറായി കേന്ദ്രസര്ക്കാര് മാറി. കേന്ദ്രസര്ക്കാര് രാജ്യത്തെ ഭരണഘടനാ സ്ഥാനങ്ങളെ കൈപ്പിടിയില് ഒതുക്കുകയാണ്. എല്ലാം ആര്എസ്എസിന്റെ കൈയില് ഒതുങ്ങണമെന്നാണ് അവര് ചിന്തിക്കുന്നത്. പാര്ലമെന്റിനെ കേന്ദ്രം ഭരിക്കുന്ന ബിജെപി നോക്കുകുത്തിയാക്കുകയാണെന്ന് അദ്ദേഹം കുറ്റപ്പെടുത്തി. അതേസമയം കേന്ദ്രസര്ക്കാര് റബ്ബര് വില 300 രൂപയായി പ്രഖ്യാപിച്ചാല് ബിജെപിയെ സഹായിക്കുമെന്നായിരുന്നു ജോസഫ് പാംപ്ലാനിയുടെ പ്രസ്താവന. കത്തോലിക്കാ കോണ്ഗ്രസിന്റെ നേതൃത്വത്തില് കണ്ണൂര് ആലക്കോട് സംഘടിപ്പിച്ച കര്ഷക റാലിയിലായിരുന്നു തലശ്ശേരി ബിഷപ്പിന്റെ വിവാദ പ്രസംഗം. റബ്ബര് കര്ഷകരെ സഹായിച്ചാല് ബിജെപിയെ പിന്തുണയ്ക്കുമെന്നായിരുന്നു ബിഷപ്പിന്റെ പ്രഖ്യാപനം. കേന്ദ്ര സര്ക്കാര് റബ്ബര് വില 300 രൂപയാക്കി ഉയര്ത്തിയാല് ബിജെപിയെ സഹായിക്കും. കേരളത്തില് ഒരു എംപി പോലുമില്ലെന്ന വിഷമം മാറ്റിത്തരാമെന്നും ബിഷപ്പ് വാഗ്ദാനം ചെയ്തിരുന്നു.