ഇന്ധന വില വർദ്ധനവ് ; കേരള കോൺഗ്രസ് സായാഹ്നധർണ സംഘടിപ്പിച്ചു

ചെങ്ങന്നൂർ : ഇന്ധന വില വർദ്ധനവ് പിൻവലിക്കണമെന്നും കേരളത്തെ സാമ്പത്തിക കടക്കെണിയിലാക്കുന്ന കെ – റെയിൽ പദ്ധതി ഉപേക്ഷിക്കണമെന്നും ആവശ്യപ്പെട്ട് കേരള കോൺഗ്രസ് നിയോജകമണ്ഡലം കമ്മറ്റി സായാഹ്നധർണ സംഘടിപ്പിച്ചു. നിയോജക മണ്ഡലം പ്രസിഡണ്ട് ഡോ.ഷിബു ഉമ്മൻ അധ്യക്ഷത വഹിച്ച ധർണാ സമരം പാർട്ടി സംസ്ഥാന വൈസ് ചെയർമാൻ രാജൻ കണ്ണാട്ട് ഉദ്ഘാടനം ചെയ്തു. പാർട്ടി സംസ്ഥാന ജനറൽ സെക്രട്ടറി ജൂണി കുതിരവട്ടം, ജില്ലാ ഭാരവാഹികളായ ജിജി എബ്രഹാം കറുകേലിൽ, ചാക്കോ കൈയ്യത്ര, റെജി ജോൺ, ജോൺ പാപ്പി, അനിയൻ കോളൂത്ര, മോൻസി മൂലയിൽ, ജോസ് പൂവനേത്ത്, അനിൽ നാടാവള്ളിൽ, ഗീവർഗീസ് മാത്യു, മോൻസി കാപ്ളാശ്ശേരിൽ, പ്രിൻസ് മാന്നാർ, സന്തോഷ് മുളക്കുഴ, മുൻസിപ്പൽ കൗൺസിലർ മാരായ ടി.കുമാരി, ശരത് ചന്ദ്രൻ, അർച്ചന കെ ഗോപി എന്നിവർ പ്രസംഗിച്ചു.