തിരുവനന്തപുരം : വർഷാവസാനം സ്വർണത്തിന് നിറം മങ്ങുന്നുവോ? സംസ്ഥാനത്ത് വീണ്ടും സ്വർണ വില കുറഞ്ഞു. ഗ്രാമിന് 20 രൂപയും പവന് 160 രൂപയുമാണ് ബുധനാഴ്ച കുറഞ്ഞത്. ഇതോടെ ഗ്രാമിന് 4,515 രൂപയും പവന് 36,120 രൂപയുമാണ് ഇന്നത്തെ നിരക്ക്. ഗ്രാമിന് 10 രൂപയും പവന് 80 രൂപയും കുറഞ്ഞ് ഗ്രാമിന് 4,535 രൂപയിലും പവന് 36,280 രൂപയിലുമാണ് ഇന്നലെ വ്യാപാരം നടന്നത്. ഈ മാസത്തെ ഏറ്റവും ഉയർന്ന നിരക്ക് ഡിസംബർ 17 മുതൽ 20 വരെ രേഖപ്പെടുത്തിയ 36,560 രൂപയാണ്. ഏറ്റവും കുറഞ്ഞ നിരക്ക് ഡിസംബർ 3 ലെ ഗ്രാമിന് 4,445 രൂപയും പവന് 35,560 രൂപയുമാണ്. രാജ്യാന്തര വിപണിയിൽ ബോണ്ട് ഡോളറും വീണെങ്കിലും ലാഭമെടുക്കൽ ഇന്നലെ സ്വർണത്തിന് 1820 ഡോളറിന് മുകളിലേക്കുള്ള മുന്നേറ്റം തടഞ്ഞു. അടുത്ത തിരുത്തൽ സ്വർണത്തിൽ നിക്ഷേപ അവസരമാണ് എന്ന് വിദഗ്ദർ പറഞ്ഞു.
