തിരുവനന്തപുരം : കൊവിഡ് വാക്സിനേഷനില് കേരളം നിര്ണായക ഘട്ടം പിന്നിട്ടുവെന്ന് മുഖ്യമന്ത്രി പിണറായി വിജയന്. 80.17 ശതമാനം പേര് ആദ്യഡോസ് സ്വീകരിച്ചു. 2.30 കോടി പേരാണ് ഇതുവരെ ഒന്നാം ഡോസ് സ്വീകരിച്ചത്. രണ്ട് ഡോസ് വാക്സിന് 32.17 ശതമാനം അഥവാ 92.31 ലക്ഷം പേര്ക്ക് നല്കാനായതായും മുഖ്യമന്ത്രി പറഞ്ഞു.
80 ശതമാനം കവിഞ്ഞു എന്നത് വളരെ പ്രധാനമാണ്. പരമാവധി ജനങ്ങള്ക്ക് വാക്സിന് നല്കി സംരക്ഷിക്കലാണ് ഏറ്റവും പ്രധാന ലക്ഷ്യം. 80 ശതമാനം പേര്ക്ക് വാക്സിന് നല്കിയെന്നത് ആ ലക്ഷ്യത്തിലെ നിര്ണായക നേട്ടമാണ്. സെപ്തംബറില് തന്നെ ബാക്കിയുള്ളവര്ക്കും വാക്സിന് നല്കാനാണ് സര്ക്കാര് ശ്രമിക്കുന്നതെന്നും മുഖ്യമന്ത്രി വിശദീകരിച്ചു.
ടിപിആറും പുതിയ കേസുകളുടെ എണ്ണവും കഴിഞ്ഞ ആഴ്ചയെ അപേക്ഷിച്ച് ഈ ആഴ്ച കുറഞ്ഞു. ആകെ രോഗികളില് രണ്ട് ശതമാനത്തിന് മാത്രമേ ഓക്സിജന് ബെഡുകള് വേണ്ടി വന്നുള്ളൂവെന്നും ഒരു ശതമാനമാണ് ഐസിയുവില് ആയുള്ളൂവെന്നും മുഖ്യമന്ത്രി വാര്ത്താ സമ്മേളനത്തില് പറഞ്ഞു.