പത്തനംതിട്ട : ശബരിമല പാതയിൽ വനത്തിനുള്ളിൽ കുടുങ്ങിയ അയ്യപ്പ ഭക്തർക്ക് കേരള പോലീസ് രക്ഷകരായി. കഴിഞ്ഞ രാത്രിയിലാണ് സംഭവം നടന്നത്. കർണാടകയിൽ നിന്ന് അയ്യപ്പ ഭക്തരുമായി പമ്പയിലെത്തിയ മിനി ട്രാവലർ, സ്വാമിമാരെ ഇറക്കിയ ശേഷം മടങ്ങുമ്പോൾ ചാലക്കയത്തിനും അട്ടത്തോടിനും ഇടയിലുള്ള വനഭാഗത്ത് വെച്ച് പിൻവശത്തെ ടയർ പൊട്ടുകയായിരുന്നു. ഇതോടെ വാഹനം നിയന്ത്രണം വിട്ട് വനത്തിൽ കുടുങ്ങി. ഈ ഭാഗത്ത് ഫോൺ സിഗ്നൽ ലഭ്യമല്ലാത്തതിനാൽ പുറംലോകവുമായി ബന്ധപ്പെടാൻ ഭക്തർക്ക് കഴിഞ്ഞില്ല. ഇതുവഴി വന്ന മറ്റ് അയ്യപ്പ ഭക്തരാണ് സംഭവം കണ്ട് പമ്പ പോലീസ് കൺട്രോൾ റൂമിൽ വിവരം അറിയിച്ചത്. തുടർന്ന് പമ്പ പോലീസ് കൺട്രോൾ റൂമിൽ നിന്നുള്ള ഉദ്യോഗസ്ഥർ ജാക്കിയും മറ്റ് ഉപകരണങ്ങളുമായി സ്ഥലത്തെത്തി ഭക്തർക്ക് സഹായം എത്തിക്കുകയായിരുന്നു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
