ജയ്പൂര്: ജയ്പൂരില് ഉത്തര്പ്രദേശ് ഉപമുഖ്യമന്ത്രി കേശവ് പ്രസാദ് മൗര്യയുടെ പൊതു പ്രസംഗത്തിനിടെ വാക്കേറ്റം. ജയ്പ്പൂരിലെ വിദ്യാനഗര് നഗര് സ്റ്റേഡിയത്തില് കേശവ് പ്രസാദ് മൗര്യയുടെ പൊതു പ്രസംഗത്തിനിടെ രാജസ്ഥാന് മുഖ്യമന്ത്രി അശോക് ഗെലോട്ടിന്റെ പിന്തുണക്കാര് മുഖ്യമന്ത്രിയെ പിന്തുണച്ച് മുദ്രാവാക്യം വിളിയുമായി അണികള് എത്തിയതോടെയാണ് വാക്കേറ്റത്തില് കലാശിച്ചത്.
മാലി സമുദായത്തിന്റെ മഹാസംഗമത്തില് സംസാരിക്കുകയായിരുന്നു കേശവ് പ്രസാദ് മൗര്യ. അതേസമയം കേശവ് പ്രസാദ് മൗര്യയുടെ അനുയായികളും മുദ്രാവാക്യം മുഴക്കി. ഇതോടെ ഏതാനും മിനിറ്റുകള് ഉപമുഖ്യമന്ത്രിക്ക് പ്രസംഗം നിര്ത്തിവെക്കേണ്ടി വന്നു.
