ന്യൂഡല്ഹി: ഡല്ഹിയില് പത്താം ക്ലാസ് വിദ്യാര്ഥിനിയെ കാറില് തട്ടിക്കൊണ്ടുപോയി കൂട്ടമാനഭംഗത്തിനിരയാക്കി. തെക്കന് ഡല്ഹിയിലെ വസന്ത് വിഹാറില് നിന്ന് മഹിപാല്പൂരിലേക്കാണ് പ്രതികള് പെണ്കുട്ടിയെ കൊണ്ടുപോയത്. പെണ്കുട്ടിയുടെ വീടിനു സമീപം താമസിക്കുന്നവരാണ് പ്രതികളായ മൂന്നു പേരും. ഇവരെ പോലീസ് അറസ്റ്റ് ചെയ്തിട്ടുണ്ട്. ഈ മാസം ആറാം തീയതിയായിരുന്നു സംഭവം. സുഹൃത്തിന്റെ വീട്ടില്പോയി മടങ്ങിവരികയായിരുന്ന പെണ്കുട്ടി പ്രതികളില് രണ്ടുപേരെ വസന്ത് വിഹാര് മാര്ക്കറ്റില്വെച്ചു കണ്ടു. പ്രതികളില് ഒരാളുമായി 16 കാരിയായ പെണ്കുട്ടി സൗഹൃദത്തിലായിരുന്നു.
ഇവര്ക്കൊപ്പം മാര്ക്കറ്റില് കറങ്ങിനടക്കുന്നതിനിടെ മൂന്നാമന് കാറുമായെത്തി പെണ്കുട്ടിയെ കയറ്റി. പ്രതികള് മഹിപാല്പൂരിലെ കടയില്നിന്ന് മദ്യം വാങ്ങി. നഗരത്തിലൂടെ കാറില് കറങ്ങുന്നതിനിടെ പ്രതികള് പെണ്കുട്ടിയെ മാനഭംഗപ്പെടുത്തുകയും മര്ദിക്കുകയും ചെയ്തു. സംഭവത്തിന്റെ വീഡിയോയും പകര്ത്തി. പരുക്കേറ്റ പെണ്കുട്ടിയെ ദിവസങ്ങള്ക്ക് ശേഷം ആശുപത്രിയില് പ്രവേശിപ്പിച്ചതോടെയാണ് സംഭവം പുറത്തറിയുന്നത്. ആശുപത്രി അധികൃതര് പോലീസില് വിവരം അറിയിക്കുകയായിരുന്നു.
