കോട്ടയം: യുവാവിനെ തട്ടിക്കൊണ്ടുപോയി ക്രൂരമായി മര്ദിച്ച കേസില് രണ്ടുപേര്കൂടി പിടിയില്. പത്തനംതിട്ട മല്ലപ്പള്ളി പുറമറ്റം തെക്കേക്കര കൊച്ചോലിക്കല് വീട്ടില് ഗിരീഷ് കുമാര് (ഗുരുജി -49), തിരുവല്ല വള്ളംകുളം കാവുമുറി പുത്തന്പറമ്പില് ഗോപിക വിനീത് (22) എന്നിവരെയാണ് ഗാന്ധിനഗര് പോലീസ് അറസ്റ്റ് ചെയ്തത്. കോട്ടയം മെഡിക്കല് കോളജിന് സമീപം കഴിഞ്ഞവര്ഷം മാര്ച്ചിലായിരുന്നു സംഭവം.
10 പേരടങ്ങുന്ന സംഘമായിരുന്നു യുവാവിനെ തട്ടിക്കൊണ്ടുപോയത്. ഗിരീഷ് കുമാറിനെതിരെ കോയിപ്രം, തിരുവല്ല എന്നീ പോലീസ് സ്റ്റേഷനുകളില് നിരവധി അടിപിടിക്കേസുകള് നിലവിലുണ്ട്. പ്രതികളെ സഹായിച്ചതിനാണ് ഗോപികയെ കേസില് പ്രതിചേര്ത്തത്. ഗാന്ധിനഗര് എസ്.എച്ച്.ഒ കെ. ഷിജി, എസ്.ഐമാരായ പ്രദീപ് ലാല്, മനോജ്, സി.പി.ഒമാരായ പ്രവീണോ, രാഗേഷ്, അനീഷ് എന്നിവരായിരുന്നു അന്വേഷണ സംഘത്തിലുണ്ടായിരുന്നത്.
