ചവറ : പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയ കേസിൽ യുവാവ് അറസ്റ്റിൽ. വർക്കല ഇടവ അംബേദ്കർ കോളനിയിൽ മങ്ങാട് ചരുവിള വീട്ടിൽ പ്രവീൺ (20) ആണ് അറസ്റ്റിലായത്. കഴിഞ്ഞ 27 മുതൽ 17 വയസ്സുകാരിയായ മകളെ കാണാതായതായി അമ്മ ചവറ പോലീസിൽ പരാതി നൽകിയിരുന്നു. അന്വേഷണത്തിൽ യുവാവിനൊപ്പം പെൺകുട്ടിയെ കഴിഞ്ഞ ദിവസം കടയ്ക്കലിൽ നിന്നു കണ്ടെത്തിയിരുന്നു.
വിവാഹ വാഗ്ദാനം നൽകി തട്ടിക്കൊണ്ടുപോകുകയായിരുന്നുവെന്നു പോലീസ് പറഞ്ഞു. യുവാവിനൊപ്പം പോകുന്നതിനു മുൻപ് അമ്മയുടെ രണ്ടാം ഭർത്താവ് അപമര്യാദയായി പെരുമാറിയതായി പെൺകുട്ടിയുടെ മൊഴിയിൽ കരുനാഗപ്പള്ളി സ്വദേശിയായ ഇയാളെയും പോലീസ് അറസ്റ്റ് ചെയ്തു. 2 പേരെയും റിമാൻഡ് ചെയ്തു. ഇൻസ്പെക്ടർ എ.നിസാമുദ്ദീൻ, എസ്ഐ മാരായ എസ്.സുകേഷ്, എ.നൗഫൽ, മദനൻ, എഎസ്ഐ ഗോപാലകൃഷ്ണൻ എന്നിവരുടെ നേതൃത്വത്തിലായിരുന്നു അന്വേഷണം.